Hoxe comezamos as actividades do programa Ler Conta Moito 2017 coa visita de Migallas Teatro e o seu espectáculo ” Canta connosco!”.

Encheron o salón os nen@s de 2º a 5º de educación primaria do Colexio Padre Feijoo de Allariz.

Gozaron dun espectáculo musical cheo de humor onde se pon en valor  a lectura como pracer, os xogos tradicionais e a nosa lingua entre outros.

Pasámolo moi ben e os nen@s e @s profes marcharon encantad@s.

Migallas sempre nos deixa un bo sabor de boca!

Na fría tarde de onte mércores día 22, os contos de Pablísimo sorprenderon ós máis pequenos. Cunha dinámica moi participativa as letras deron significado ás palabras e éstas ós contos ,que eran tantos que case chegaban ó teito…

O pasado lúns día 20 de marzo, tivemos na Biblioteca Pública Municipal do Concello de Pazos de Borbén (BIBLIOPAZOS) ao cantautor Manoele de Felisa co seu espectáculo de dinamización con música “Achegar á infancia o mundo da poesía musicalizada”.

A actividade tivo lugar no Auditorio do Concello para que puideran participar da mesma os alumnos de 1º e 2º de Primaria e de Educación Infantil do Colexio Público Integrado “Curros Enríquez” de Pazos e os da Escola de Educación Infantil “A Galeriña” de Nespereira.

Unha actividade moi animada, divertida e participativa na que os cativos e cativas non pararon de cantar durante a mesma as cancións dos poemas de Xosé Neira Vilas, Rosalía Morlán musicalizados por Manoele de Felisa e que aparecen publicados nos libros “Cantos de Lembranzas” e “Canta a lúa coas estrelas”.

Menudo exitazo o de Manoele en Pazos de Borbén. Ao remate da actuación os seus e as súas fans solicitáronlle multitude de autógrafos.

Esta mañá o proxecto “A Biblioteca Viaxeira” botou a andar e fíxoo da man dunha compañeira de excepción… Charo Pita!

Grazas ao programa Ler conta moito “A Biblioteca Viaxeira”, que xa se viña realizando nos meses de verán, desta volta artella unha serie de saídas da biblioteca a diferentes espazos, neste caso  as escolas de primaria Cambados, nas que difundir aos rapaces a celebración dalgunhas datas destacadas (ás veces olvidadas).

Hoxe luns 20 de marzo celebramos o Día da Tradición Oral no cole de Vilariño, con Charo Pita e “O pucheiro de señora Emilia”. Os rapaces de 2º,3º e 4º puideron gozar das historias e cancións que de antigo nos veñen contando ata os nosos días a través da fala e os xestos… O resultado foi unha sesión chea de contido, que deixou un bo sabor de boca… como as receitas do pucheiro da señora Emilia… a os que teñades tamén a sorte de probalos… bo proveito!

Din que os trasnos son seres máxicos. Nós puidemos comprobalo con Dada e as historias que nos trouxo a Cambados esta fin de semana. Esta seisón de contacontos amenizounos a tarde con relatos cheos de aprendizaxes e valores como o da convivencia e o respecto ao medio. Ao mesmo tempo que os cativos se divertiron,  tratouse de promover o hábito lector dende a infancia…Ata pronto Dada!

Cantamos un conto na biblioteca

O pasado día 25 tivemos o pracer de contar con Luis Vallecillo para celebrar o día da biblioteca.

A actividade que levou a cabo resultou moi atractiva para os cativos, xa que á través da música provocou nos nenos, así coma nos pais, diversas emocións e sensacións que lles fixeron pasar una tarde moi agradable.

O día 25 de outubro, Nita presentou a “CIENCIA DIVERTIDA” na Biblioteca de O Froxel “Francisco A. Vidal” de Arteixo, facendo misturas con cousas caseiras contando coa participación entusiasta dos nenos que disfrutaron descubrindo a ciencia e os relatos.

” Cabaret Infantil Prodixio ” forma parte das actividades que se celebran na B.P.M. de Valdoviño con motivo do Día da Biblioteca.  Trátase dun contacontos para público familiar dirixido principalmente a rapaces de idades entre  3 e 8 anos moi participativo e divertido.

o día 24 de outubro a Biblioteca Municipal do Concello de Lourenzá agasallou ós seus lectores e lectoras cun espectáculo moi novedoso titulado ” a miña biblio mola “; onde 50 nenos e nenas participaron na creación dun videoclip lúdico para mostrar a súa biblioteca.

Onte, 24 de outubro, a Biblioteca Municipal Luís Rei e as diferentes axencias de lectura de Cambados, reunímonos no Auditorio Municipal da Xuventude para celebrar dun xeito especial o Día das Bibliotecas.

O evento comezou cun pregón a prol da lectura e as bibliotecas, que este ano escribíu a galega Ledicia Costas, Premio Nacional de Literatura Infantil e Xuvenil 2015, e que ela mesma nos remitíu en galego. De seguido, iniciouse unha fermosa contada por parte de Raquel Queizás,  “A Orixe”, grazas ao programa da Xunta de Galicia Ler conta Moito, para todos os públicos. Con ela viaxamos ao Perú xunto con máxicas personaxes e historias da tradición oral andina.

O obxectivo desta celebración non foi outro máis que agradecer aos usuarios da Biblioteca e as axencias de lectura, o seu apoio e a súa participación en todas e cada unha das actividades desenvolvidas ao longo do ano. Por eso ao rematar, galardoaronse aos lectores máis activos neste ano, cuns lotes de libros.