O día 18 de maio tivemos na Biblioteca “Poemas e contos de Manuel María” a cargo de Marisa Irimia

Foi unha actividade moi emotiva e bonita en recordo do noso escritor das Letras Galegas

Baixo o título de “Mans”, Pablísimo  contou catro historias axudado dun pequeno teatro , varios monicreques e o uso da mímica . A actuación durou arredor de corenta minutos e foi moi ben acollida polo público.

Actividade para os nenos de 3 a 11 anos do CEIP Antonio Blanco Rodríguez de Covelo o día 19 de maio na Biblioteca de Covelo. Títeres a cargo de Esteban Acuña de Tarabelos.

Esteban Acuña ( Tarabelos ) 

O pasado 18 de Maio quixemos celebrar na Biblioteca Pública Municipal de Corcubión, a Semana das Letras Galegas. Este ano, o autor homenaxeado como sabedes é : Manuel María.

Contamos coa actuación dos nosos amigos Kike e Carlos Taboada de Polo Correo do Vento, que nos presentaron “O poeta do Miño”, un conto inspirado no poema “Proclama ós peixes do Miño“, de Manuel María: o amor á natureza, o coñecemento do río Miño e o seu percorrido, a ecoloxía son nocións que os lectores reforzan nesta máxica obra.

Tamén amosamos outros libros de Kike Mauricio e Carlos Taboada que temos no noso catálogo da biblioteca como: “Violeta, a carteira bolboreta”, “Hugo, o carteiro teixugo”, “Mariquiña: a carteira andoriña” e “Martiño, o carteiro porquiño”; que nolos adicaron.

Na primeira parte: Contacontos, e xa na segunda parte da actividade realizamos un Obradoiro de ilustración no que os rapaces crearon a súa propia caricatura de Manuel María.

Os asistentes foron os alumn@s dos Colexios de educ. infantil e primaria de Corcubión e Fisterra.

Na Biblioteca Municipal “Estudios Locais ” tivo lugar un espectáculo de Maxia e Música en torno a Manuel María, o benquerido poeta homenaxeado este ano con motivo do día das Letras Galegas. Os maestros de ceremonias do evento foron o baxista Alvaro Muras e o ilusionista Martín Camiña, que achegaron o público a vida e a obra de Manuel María mediante unha acertada posta en escea que combina maxia e música. Oitenta persoas, entre cativos e adultos, disfrutaron dunha hora onde tamén eles foron os protagonistas, pois axudaron a Camiña a elexir unha carta da baralla, a ocultar panos no peto e a sacar cordas dalgunha dimensión descoñecida..

Na Biblioteca Forum Metropolitano da Coruña, celebramos o Día das Letras Galegas dun xeito moi especial. Neste obradoiro, para nenas e nenos de 6 a 12 anos, enmarcado dentro do Programa “Ler conta moito”, coñecemos o mundo poético de Manuel María, e recreámolo ó noso xeito nun libro despregable.

A casa de Manuel María na Biblioteca Forum da man do Teatro Babaluva.

Na tarde do luns 16 de maio de 2016, no Concello da Baña pasamos unha tarde gastronómica entre cultura. Degustamos café, batido e cacao coas letras de Manuel María, onde os/as participantes fomos lendo os seus poemas acompañados dun doce e dos debuxos que fixeron os/as máis pequenos/as.

Achegámonos algo máis ao autor homenaxeado e alimentamos a imaxinación e a barriga nunha tarde agradable de sol e de boa compañía.

E como toda merenda pide pan, decantámonos por unha deliciosa Merenda con pan de millo que nos prepararon os de MIGALLAS TEATRO. Foi un excelente fin de tarde co teatro, cantando e prestando atención ás interesantes historias que nos contaron nas que aprendemos a respectar máis aos nosos maiores (os avós e as avoas), os xogos en equipo,  os hábitos saudables e a marabillosa cultura tradicional .

Familias e pequenos/as cantamos en directo coa banda de pulgas que interpretaba miles de instrumentos. A imaxinación e o ritmo voaban como voou o tempo durante esta tarde na Baña.

Os contadores Polo Correo do Vento achegáronnos as aventuras da saramaganta Roi en “O poeta do Miño”, una historia que homenaxea a Manuel María.

Nenos e adultos gozaron dunha historia na que os protagonistas percorrían o río Miño, seguindo moitas das paisaxes contadas e poetizadas por Manuel María, e tamén  coñecendo algún dos seus poemas.

Ao rematar a historia, aprenderon con Carlos Taboada, o ilustrador, a debuxar una caricatura do noso poeta lucense.

Música, humor e referencias culinarias unha boa mestura para satisfacer tódolos sentidos. Moi animado e divertido.

Espectáculo facscinante sobre o mundo dos paxaros e a natureza. A intérprete mostra una sensibilidade exclusiva dos grandes artistas. O escenario está ateigado de detalles evocadores. Gustou moito. Altamente recomendable!