OsS DE XANELA OCIO DANLLE UNHA VOLTA AO CONTO
Os de Xanela Ocio déronlle outra volta ao conto e presentáronnos relatos actuais e divertidos cos que é doado identificarse.
Saltar a ligazóns de pé de páxina
Archive for category: Nenos e nenas
MaxicoSons : Unha aventura entre libros
Na biblioteca Miguel González Garcés de Culleredo, o día 25 de abril ás 19:30 horas, tivo lugar a actuación MaxicoSons, a cargo do músico Álvaro Muras e do ilusionista Martín Camiña. Como foi unha actividade con moito público, máis de 80 nenos e 70 adultos. Para poder acoller a todos desenvolveuse no salón de actos. Todos pasaronlo moi ben.
Aventura na cociña
A biblioteca municipal de Culleredo, o día 22 de abril, na programación da Semana do libro contou coa actividade de Trinketrinke Teatro “Aventura na cociña”. Máis de 50 nenos, xunto cos seus pais e nais desfrutaron dunha actividade moi animada, dinámica e divertida.
Tim Bowley e Charo Pita presentan en Brión ‘Dúas linguas, unha historia”
Tim Bowley e Charo Pita
O luns 12 de maio iniciáronse as actividades dirixidas aos nenos e nenas dos diferentes niveis educativos do municipio, contempladas dentro da máis ampla programación da Feira do Libro de Brión – Maio Cultural 2014. Da man de Tim Bowley e Charo Pita, os rapaces de 1º Ciclo da ESO do IES de Brión asistiron a “Dúas linguas, unha historia” unha divertida sesión conta contos en inglés e galego.
Ao auditorio do Centro Social Polivalente, lugar onde se celebrou a actividade ao non contar a biblioteca cun espazo axeitado, acudiron aproximadamente uns 60 rapaces e rapazas acompañados por catro profesores que durante unha hora gozaron das historias narradas en inglés polo “storyteller” Tim Bowley e traducidas por Charo Pita. Contos de diferentes partes do mundo que espertaron a curiosidade dun auditorio moi entregado e con gañas de participar, como así o demostraron no conto do “Pirata a serea e o mago feo”.
Tim Bowley leva narrando historias por todo o mundo dende hai máis de 25 anos. Ademais como escritor ten libros para todas as idades en editoriais como Kalandraka, OQO, Raíces e Palabras del Candil. Charo Pita tamén é narradora de historias e escritora. Ámbolos dous levan traballando con éxito en actividades de narración e animación lectora en bibliotecas e institutos de ensino secundario dende o ano 2006.
Esta actividade, que se desenvolveu baixo o patrocinio do programa “Ler conta moito” da Consellería de Cultura, Educación e Ordenación Universitaria da Xunta de Galicia, forma parte do máis amplo programa da tradicional Feira do Libro de Brión, un evento que leva 24 anos celebrando a lectura e difundindo o amor polos libros en Brión, no mes no que celebramos as Nosas Letras. Unha actividade organizada dende a biblioteca municipal e a Casa da Cultura
Obradoiro de banda deseñada no Porriño
O martes 13 de maio realizamos na biblioteca do Porriño un obradoiro de banda deseñada impartido por Xosé Tomás. O nome do obradoiro era Coñécete a través dos cuadriños, e a través del pretendíase achegar aos rapaces e rapazas a un medio tan complexo e aglutinador ao público a través da implicación persoal.
Deste xeito, traballamos a creación de guións baseados en historias cotiás, da vida mesma, afondando en valores como as relacións humanas saudables, o respecto na convivencia, así como en aspectos como a creatividade e a imaginación. Tamén abordamos a creación de personaxes e as técnicas para facelo, e traballamos os códigos da banda deseñada: as viñetas, as elipses narrativas, a montaxe de páxinas, os planos cinematográficos, etc. Botando man de obras destacadas do mundo da banda deseñada, exemplificáronse as diversas temáticas ás que se poden facer fronte e como se poden empregar.
Foi unha mañá arredor da banda deseñada, o que fixo as delicias dos rapaces e rapazas que ateigaban a sala de consulta da biblioteca porriñesa.
O LOBO BOBO EN CALDAS DE REIS
O martes 13 de maio un grupo de nenos e pais participaron das divertidas historias do Lobo bobo na Biblioteca Pública Municipal de Caldas de Reis a cargo da Compañía Elefante Elegante.
“Cantacontos” na Biblioteca Municipal de Meis
O pasado mércores 7 de maio celebrouse na Biblioteca do Mosteiro unha estupenda sesión de contos, música e danza da man de Raquél Galavís e Mato Armada co nome de Cantacontos. Máis de medio cento de nenos e pais gozaron do espectáculo cos contos e cancións de Elvis ou dos Chivos chivóns. 
Libros En-cantados
Magín Blanco animou a nenos e grandes coas suas cancións e cos contos Rosalía pequeniña, María Fumaca na Biblioteca de Cabana de Bergantiños
LEO LEÍÑO, NA BIBLIOTECA ÁNXEL CASAL COA SÚA MAXIA CÓMICA
Unha mezcla de maxia e humor. Ao principio nunca saen os trucos, e necesita dos nenos e nenas para que funcionen.
Leo Leíño nos invita tamén a ler, e a participar do mundo das bibliotecas.
Espectáculo pensado para os máis pequenos, nen@s de 3 a 7-8 anos. Leo Leíño consegue a participación e implicación dos rapaces. E finalmente houbo unha foto familiar de todos os participantes co Leo Leíño.
LENDO E CREANDO CON “LER CONTA MOITO” NA BIBLIO “ROSALÍA DE CASTRO”DE ARZÚA.
Coa acticvidade Mamá e Papá nos audiolibros. Obradoiro de gravación de audiolibros infantís”, crearonse espazos de divertimento, lectura e expresión oral e corporal. O próximo día dez de maio crearase na biblioteca un audioconto coa participación de nenos e adultos.
Séguenos