Con Sarabela Teatro cociñamos acompañados de música e viaxamos a África.

O mércores 14 de agosto recibimos a visita de Raquel Queizás coas súas “Historias da maletra”.

Raquel achegounos diversos contos tradicionais a través de diferentes obxectos que aparecían na súa “maletra”. Resultou unha sesión moi participativa e divertida.

 o 23 de abril celebramos o día do libro co espectáculo  “Contacontos animaliños”.

Ás 19,00 horas  Patricia de EDUVÍA caracterizada do personaxe máxico “Dadá” o Duende, relatou aos nenos e nenas asistentes, unha serie de contos nos que os protagonistas foron os animais. Aínda que independentes entre sí, todos os contos gardaron o nexo común do respecto polos animais, coa promoción do hábito lector entre a infancia como obxectivo final.

Sole Felloza guiounos nunha viaxe polo mundo a través de diferentes relatos e bailes.

O 23 de maio o protagonista na Biblioteca Pública Municipal de Pazos de Borbén “BIBLIOPAZOS” foi o homenaxeado no Día das Letras Galegas 2013 Roberto Vidal Bolaño.

Ás 11,00 horas a nosa amiga Patricia de EDUVÍA caracterizada do personaxe máxico “Dadá” o Duende, co espectáculo “Contacontos animaliños” relatou aos usuarios do centro ASPAVI (Asociación de Pais de Persoas con Discapacidade Intelectual de Vigo) de Pazos, unha serie de contos nos que os protagonistas foron os animais. Aínda que independentes entre sí, todos os contos gardaron o nexo común do respecto polos animais, coa promoción do hábito lector entre a infancia como obxectivo final.

Ao finalizar a actuación se lles fixo entrega aos usuarios de ASPAVI do seus carnés de socios da biblioteca e dun agasallo conmemorativo da Campaña de Captación de Socios realizada pola biblioteca neste ano.

Os alumnos de 5º e 6º de Primaria do CPI “Curros Enríquez” de Pazos tamén disfrutaron do espectáculo noutra sesión a partir das 13,00 horas. As 46 persoas asistentes entre rapaces e maiores gozaron desta sesión chea de contos que lles ia relatando o Duende “Dadá” co obxectivo de fomentar o hábito lector entre eles.

O espectáculo resultou moi dinámico e a contacontos foi metendo aos participantes nos papeis dos animais dos contos facendo que participasen activamente dos mesmos.

Dúas horas en total de risas, xestos, adiviñas… durante as que os asistentes pasaron un rato moi especial.

O 19 de xullo acollimos na ALM de Os Tilos a sesión de contacontos Rodar i Rodari (Contos do tranvía) de Fantoches Baj. Aproveitando o bo tempo e a cercanía da piscina municipal invitamos ós rapaces e rapazas que estaban a darse un baño para que desfrutasen deste espectáculo

Rodar i Rodari (Contos do tranvía) é un espectáculo de narración oral, con acompañamento musical, no que a través do conto tradicional, a tradición dos contos de Gianni Rodari e os monicreques para, partindo da domesticación dun animal como o burro chegar ó uso ou abuso das novas tecnoloxías. A acollida por parte do público foi moi positiva.

O 21 de maio os amigos de Xanela Ocio e Animación, caracterizados para a ocasión realizaron unha interesante actividade da que disfrutaron tanto os adultos como os rapaces asistentes á biblioteca.

Os alumnos de 3º e 4º de Primaria do CPI “Curros Enríquez” de Pazos pasaron unha hora moi agradable e divertida.

Nesta sesión de contacontos “Mira como cho conto” o conto foi narrado por un animador e ilustrado en directo por outro ao mesmo tempo que se estaba a escoitar, para facerse así unha idea máis ampla do que está a ocorrer.

O día 18 de Xullo tivemos na biblioteca o obradoiro “Instantáneas de plastilina” coa ilustradora María Noel Toledo.

Os rapaces asistentes traballaron en grupos, e tras imaxinar unha instantánea dun momento fugaz, a representaron con plastilina dentro dun escenario. O resultado final do proceso foron as fotografías que a propia María Noel sacou ós traballos realizados creando así unha serie de instantáneas do máis orixinal.

O pasado venres 19 de xullo, no marco do programa de dinamización lectora Un verán de conto! da Axencia de Lectura Municipal de Carnota, tivo lugar o obradoiro infantil Violeta, a carteira bolboreta, a cargo de Enrique Mauricio (Mau) e Carlos Álvarez Taboada (Pin), autores da colección “Polo correo do vento” (Xerais).

O obradoiro comezou coa narración oral dunha historia por parte de Enrique Mauricio, acompañada de ilustracións en vivo da man de Carlos Álvarez Taboada. Para rematar, os participantes realizaron cadanseu debuxo guiados polo ilustrador e colorearon os murais deseñados por este durante a sesión.

O pasado 12 de xullo recibimos a visita de Sarabela Teatro na Mediateca do Grilo nunha sesión de contacontos chamada “Contando coas palabras”. Foi moi ben recibido pola público asistente, especialmente polo infantil que estiveron especialmente implicados na participación no relato.

Engaiolados coas palabras é a intención desta contada que a través do xogo dramático implicou os nenos ata conseguir que aprenderan que cando se sintan aburridos poderán contar coa maxia do seu propio lapis invisible para viaxar polas historias. A través deste lápis foron capaces de crear animais ou de borrar cousas que non acababan de gustarlles.