O luns 30 de setembro ás 18:30 aterrou na nosa biblioteca “O Aviador” da compañía Elefante Elegante que foi recibido con expectación , risas e aplausos polos nenos e nenas de Montrove. O aviador  presentounos ao seu amigo o moucho e houbo sombras chinesas que entusiasmaron ao público.  É un gran  espectáculo para os máis pequenos. Gonçalo, o dinamizador,  foi eloxiado nesta sesión tanto polos nenos e nenas como polos adultos, e fixo que fose unha sesión moi divertida e entretida do comenzo ao final

.

O pasado 23 de setembro, a compañía “Elefante Elegante”  fixo as ledicias de cativ@s e maiores con este estupendo espectáculo de animación. Grazas por esta viaxe Gonçalo!!!

O día 25 de Setembro na Biblioteca “Antón Castro” de Meicende, os nenos e pais gozaron moito coas “HISTORIAS DÁ MALETRA” de Raquel Queizás, como “O Pampón”; “Un bicho raro”; e moitas outras.

Durante 50 minutos participaron activamente na interpretación dos contos, viaxando ao interior dos libros e facendo voar coa imaxinación a os mundos da fantasía coa axuda da música e outros sons.

O venres 27 de setembro, ás 18’30 horas, realizouse na Biblioteca de Nós unha das actividades do programa Ler conta moito.

A sesión, titulada “As dúbidas dos animais”, consistiu na narración, por parte da contadora Fátima Fernández, dunha serie de contiños que tiña como protagonistas aos animais xunto coas súas dúbidas, medos, e afán de superación.

52 persoas, das que 31 eran rapaces e 21 adultos, seguiron con atención as animadas narracións, xa que  a contadora, non só se apoiaba nas ilustracións dos contos para facilitar o seguimento da historia, senón que a modulación da súa voz foi impecable durante toda a hora que durou a actividade.

As/Os asistentes participaron activamente e disfrutaron dunha hora de esparcemento e diversión na Biblioteca.

A contadora  Raquel Queizás fixo pasar un boa tarde a un  bo número de nenos  que participaron das historias que traía gardadas na sua maleta ; algúns dos pais tamén o pasaron moi ben.

Os rapaces disfrutaron deste obradoiro creado por María Noel no que  se crearon diversos escenarios realizados con figuras de plastilina  e con outros elementos habituais en talleres (papeis de cores, cartolinas,…, elementos de reciclaxe,…). Fomenta a creatividade  e o traballo en equipo.

O pasado xoves 26 de setembro,  Yolanda Castaño estivo na Biblioteca Central “Henrique Rabuñal” de Arteixo cos seus contos en versos para nenos e nenas. En case unha hora, os 67 rapaces que asistiron,  desfrutaron e participaron con ela das historias con rima. Xunto cos rapaces tamén asistiron algúns pais e nais que non quixeron perder a ocasión de desfrutar coma nenos.

Tódolos xoves deste mes de setembro, na BPM de Dodro, tivo lugar este obradoiro impartido por Minia Regos, no que os rapaces e rapazas pintaron decorados, modelaron figuras de plastilina para despois darlles vida…. creando asi uns divertidos curtos de animación.

O mércores, 25 de setembro visitou a nosa biblioteca de Sta Cruz un personaxe moi divertido, que chegou no seu “foguete” viaxeiro o que máis lles chamou a atención aos nenos e nenas que estaban esperando por unha chea de contos, foi o aspecto un tanto luxado da cara do noso personaxe, asi que o primeiro foi adiviñar a que se dedicaba este “Fogueteiro” : mineiro, limpador de chemineas..? pois non, polo seu sombreiro e a súa maleta adiviñamos que era un gran aventureiro, explorador de historias que nos traía baixo o seu paraugas, desde países moi remotos porque a súa misión era levarnos a un mundo onde a imaxinación e a fantasía nos fagan soñar e divertirnos. O aspecto da súa cara era só producto dos gases ocasionados polo foguete na aterraxe.

Viaxamos a Italia, á Toscana cun conto popular arxentino adaptado polo propio Fogueteiro e vivimos as aventuras do Neno mosquito.

Aistiron 38 nenos e nenas e 23 pais e nais.

Resultou ser unha actividade bastante interesante.

O martes 24 de setembro ás 18:30 na Biblioteca de Montrove  houbo  “Contos para todos” a cargo de Manuel Solla  (Expresión Produccións) , que tivo una gran acollida por parte de todo o público asistente, sobre todo do público infantil que participou moi activamente na sesión e quedou engallolado coas historias narradas por Manuel Solla que alternou con pequenos trucos de maxia.

Foron 50 minutos de entretemento e ledicia  para todos os nenos e nenas presentes.