Trinketrinke Teatro encheu de animais do bosque e de música de acordeón a Axencia de Lectura Municipal de Vilaboa en Culleredo. Sucedeu o venres 6 de outubro. Foi unha tarde maravillosa para todos, pequenos e grandes

Este sábado 8 de outubro,  tivemos con nós a Pavís Pavós co espectáculo “Este queixo queixolán” cunha sesión de contos, arrolos, cantos, xogos e ladaíñas para bebés e acompañantes onde todos participaban.

Unha actividade moi dinámica.

O  venres 6 de outubro, tivemos a  visita de Manuel Solla do grupo Os Carballiños, coa actuación  ” Voando libres”.  Desfrutamos dunha tarde moi agradable con sesión de contacontos combinada con maxia nos que os nenos e nenas  aprenderon a través dos contos valores de igualdade e superación persoal para poder conseguir os seus soños.

Todos participaron na sesión de maxia e tamén elaboraron un delicioso pastel que puideron degustar.

En Allariz seguemos desfrutando do programa Ler conta Moito, desta vez co divertidísimo espectáculo de Nelson quintero, que nos fixo gozar dun espectáculo dinámico, vistoso e colorido! desfrutaron motísimo tanto adultos coma nenos e nenas!

Un pracer de profesional

Moitas grazas Nelson!

Onte, as nenas e nenos de Oleiros tiveron unha interesante e divertida tarde de xoves co obradoiro Robótica educativa.

Traballon en grupos montando caracois e muíños de arrefriamento con son, luces e movemento!

Actividade superparticipativa!

Contacontos que diriximos a nen@s de 1 a 4 anos protagonizado pola ra, un monicreque, “Nano”. Através de diferentes contos, cantigas, enredos, dun xeito lúdico, os nen@s aprenderon sobre o mundo que os rodea e moitas cousas sobre uns animais tan especiais como son as ras.

Nen@s e adultos acompañantes, gozaron moitísimo con “Chimpo de ra”. Facía moito tempo que non oiamos rir tanto nunha actividade. Deliciosa e completísima sesión de contacontos con Raquel Queizás.

Contacontos para nen@s no que, a través da figura dunha bibliotecaria moi particular, a narradora achega ao público diversas historias cunha fermosa idea central: os mellores contos están na cabeza dos maiores e nas bibliotecas.

Estupenda sesión de contacontos. Cris de Caldas, ademáis dunha magnífica narradora oral, sabe captar a atención dos nen@s e mantel@s enganchad@s ao longo de toda a sesión, interactuando en todo momento con eles.

O público familiar de Cambre puido gozar onte dunha estupenda sesión de animación á lectura no marco da programación de Ler Conta Moito.

Ler máis →

Onte visitounos o Mago Paco coa actuación “Unha maxia diferente” na ALM de Corvillón, cun espectáculo reivindicativo onde a través de historias e xogos de maxia traballa  a igualdade e a violencia de xénero dende un punto de vista divertido e ilusionante, sen perder o transfondo educativo.

Unha actividade moi divertida que o público  aprendeu que as diferencias fannos ser únicos.

O día 03 de outubro presentamos a BIOSBARDOS na Biblioteca de O Froxel “Fco. A. Vidal”, a cargo de Jorge López, quen nos trouxo un conto moi especial escrito polo seu fillo Martín cando tiña 13 anos de idade, titulado “Como axudo a Antón”. No conto, exponse diferentes situacións ás que se ten que enfrontar Antón, e coa axuda da rapazada escóllese cal é a maneira de actuar máis adecuada segundo cada cal. Unha actividade formativa en valores con gran participación dos asistentes