Saltar a ligazóns de pé de páxina
Archive for category: Nenos e nenas
“Roupa tendida” de Atenea García na ALM de Oubiña (Cambados)
Onte luns, 9 de outubro, volvemos a ter con nós a compañía Xarope Tulú coa actuación “Roupa tendida” de Atenea García, nesta vez na ALM de Oubiña onde os nenos e nenas puideron reflexionar sobre as nosas crenzas, observalas coa perspectiva do tempo, contalas desde a visión daquelas pequenas que se fixeron grandes e cuestionaron unha e outra vez o papel das silenciadas, das que non tiveron voz.
Biotecnólogos resolven un crimen na Biblioteca de Portonovo
O venres pasado tivemos unha sesión de divulgación científica na Biblioteca de Portonovo.
A actividade comezou coa posta en escea dun crimen cometido na Biblioteca, recollida de mostras, análisis de probas, e a realización de experimentos químicos.
Todos os participantes tiveron a ocasión de mesturar diversos ingredientes para ver cómo se comportaban os elementos químicos, e de paso aprender cousas moi interesantes sobre a ciencia.
O taller foi impartido por Manuel Vicente, o responsable do programa Efervescencia da Radio Galega, que nos achegou dun modo lúdico e ameno ó mundo das ciencias.
E para mostra, unhas fotos da actividade 
“Ramona Órbita, a dona do tempo” con PAKOLAS na B.P.M. Ánxel Fole de Nós – OLEIROS
Pakolas visitou a biblioteca “Ánxel Fole” de Nós o venres 6 de outubro, e estivo contándonos as peripecias de Ramona Órbita coa súa máquina do tempo.
Levounos a unha viaxe polo tempo desde a Prehistoria ao Renacemento , pasando polo Antigo Exipto…
Un percorrido pola historia da humanidade moi divertido e cheo de música e cancións, coas que nenas e nenos bailaron e cantaron sen parar.
Animais do bosque en Culleredo
Trinketrinke Teatro encheu de animais do bosque e de música de acordeón a Axencia de Lectura Municipal de Vilaboa en Culleredo. Sucedeu o venres 6 de outubro. Foi unha tarde maravillosa para todos, pequenos e grandes
“Este queixo queixolán na PBM de Cambados “Luís Rei”
Este sábado 8 de outubro, tivemos con nós a Pavís Pavós co espectáculo “Este queixo queixolán” cunha sesión de contos, arrolos, cantos, xogos e ladaíñas para bebés e acompañantes onde todos participaban.
Unha actividade moi dinámica.
“Voando libres” na ALM de Castrelo.
O venres 6 de outubro, tivemos a visita de Manuel Solla do grupo Os Carballiños, coa actuación ” Voando libres”. Desfrutamos dunha tarde moi agradable con sesión de contacontos combinada con maxia nos que os nenos e nenas aprenderon a través dos contos valores de igualdade e superación persoal para poder conseguir os seus soños.
Todos participaron na sesión de maxia e tamén elaboraron un delicioso pastel que puideron degustar.
Pequeno Cabaret Infantil chega a Allariz
En Allariz seguemos desfrutando do programa Ler conta Moito, desta vez co divertidísimo espectáculo de Nelson quintero, que nos fixo gozar dun espectáculo dinámico, vistoso e colorido! desfrutaron motísimo tanto adultos coma nenos e nenas!
Un pracer de profesional
Moitas grazas Nelson!
Obradoiro de robótica na Biblioteca Central Rialeda de Perillo (Oleiros)
Onte, as nenas e nenos de Oleiros tiveron unha interesante e divertida tarde de xoves co obradoiro Robótica educativa.
Traballon en grupos montando caracois e muíños de arrefriamento con son, luces e movemento!
Actividade superparticipativa!
“Chimpo de ra” con Raquel Queizás na Biblioteca Municipal de Redondela
Contacontos que diriximos a nen@s de 1 a 4 anos protagonizado pola ra, un monicreque, “Nano”. Através de diferentes contos, cantigas, enredos, dun xeito lúdico, os nen@s aprenderon sobre o mundo que os rodea e moitas cousas sobre uns animais tan especiais como son as ras.
Nen@s e adultos acompañantes, gozaron moitísimo con “Chimpo de ra”. Facía moito tempo que non oiamos rir tanto nunha actividade. Deliciosa e completísima sesión de contacontos con Raquel Queizás.
Séguenos