O xoves, 28 de xullo, Pedro Bugarín compartiu con nós o seu espectáculo de maxia. Deixounos completamente abraiados e con ganas de máis. A súa simpatía, o seu sentido do humor , as innumerables sorpresas e a procura da participación do público asistente fixeron que a proposta resultase todo un éxito. Agardamos que nos visite de novo!!
Actividade na que a través de xogos os/as participantes coñecen algo máis sobre a orixe e significación do día das Letras Galegas, así como aos seus autores e autoras homenaxeadas ata o momento, en especial a Florencia Delgado. 
Divertida historia chea de humor na que un neno chamado Max crea na sua habitación un mundo imaxinario onde é libre ata para ser monstro ( o máis monstro de todos).
Na súa aventura desafía os seus propios medos, frustacións, rabia e incomprensión, e ata o rexeitamento.
O final, bota de menos a súa nai polo que volve a casa e comprende que sempre hai que respetar os demáis.
Moi recomendable
O pasado venres, estiveron en Santiso Elisa e Ían facendo disfrutar ós máis pequenos con diversas actividades. Sombras chinesas, scape room, maxia, contos e moito máis para pasar un momento moi entretido.
O pasado venres puidemos distraernos da abafante calor, desfrutando da divertidisima actuación do mago Pedro Bugarín .
Un espectáculo, que ainda que foi moi entretido, non estivo falto de certa dose de perigosidade de amputación co “truco” da guillotina cortamans.
Lamentablemente Sofia non foi quen de acadar o reto de meter a moeda no vaso. O que impediu que todos/as os/as presentes acadaran a súa consola de videoxogos que Pedro apostara.
No canto recibiron unha variña máxica pregable. 
Malia a calor, na Bibliopiscina de Biblioteca dos Tilos (Teo) non quixemos perdernos este espectáculo de títeres onde os animais queren saber a que sabe a lúa. Desfrutamos axudando a coidar os paxariños para que a serpe non os atopara e vendo os ensaios de piruetas da cadela Violeta.
Este martes 12 de xullo na Axencia de Lectura de San Vicente tivemos unha sesión científica moi divertida da man de Heroes para a Ciencia.
Os nen@s realizaron experimentos de forma divertida e aprenderon moitas cousas sobre a ciencia. Todos os nen@s, dende os mais pequenos ao mais grandes disfrutaron desta actividade.
Esta edición da Praza dos Libros de Carballo tivemos ao escritor e ilustrador Anxo Fariña amosándonos os trucos da súa arte no obradoiro para nenos e nenas de 6 a 9 anos “A cidade violeta”.
Nel, Anxo nos explicou como é o seu proceso creativo á hora de crear personaxes e entre todos creamos unha cidade violeta pintada cunha pintura especial que se ilumina cunha lanterna moi especial.
Pasámolo en grande!
O día 06/07/2022 na Biblioteca municipal Segundo Gil Davila de Arbo tivo lugar esta actividade: comeza presentando aos personaxes Manuel e Manuela e contando como son e o que lles gusta facer, remarcando os estereotipos de xénero. A continuación, e como se foran segredos dos protagonistas vai descubrindo os verdadeiros Manuel e Manuela, ao que lles gusta xogar, como son, a que teñen medo ou non, etc. rompendo con ditos estereotipos.
En todo momento tratase dunha actividade interactiva na que o artista pregunta e fala cos nenos e nenas sobre os personaxes e se están de acordo ou non coas súas formulacións.
A actuación comezou ás 11.30 h e rematou ás 12.30 h; acudiron un total de 43 persoas: 23 nenos e 20 nenas dende os 6 anos ata os 13 anos de idade.
Este xoves, 30 de xuño, o parque do Piñeiral do Crego encheuse de festa, grazas ao contacontos ofrecido pola Biblioteca Xela Arias de Chapela dentro da celebración municipal polo Día do Orgullo LGTBIQ+
Manuel Solla, de Os Carballiños, achegounos “Voando libres”, un contacontos que falaba de tolerancia, de amor, de igualdade e de respecto ao diferente. Un espectáculo para eliminar clichés e trabas mentais, para poder voar libres segundo os nosos gustos e as nosas eleccións.
Nel contamos contos sobre tiburóns sen dentes, sobre ras vermellas, e moitas outras cousas máis… e asistimos a momentos de maxia e fantasía.
+ INFO no noso Weblog: https://bibliotecas.redondela.gal/voamos-libres-no-pineiral-do-crego-coa-biblioteca-xela-arias/
Séguenos