Este martes 12 de xullo na Axencia de Lectura de San Vicente tivemos unha sesión científica moi divertida da man de Heroes para a Ciencia.
Os nen@s realizaron experimentos de forma divertida e aprenderon moitas cousas sobre a ciencia. Todos os nen@s, dende os mais pequenos ao mais grandes disfrutaron desta actividade.
Esta edición da Praza dos Libros de Carballo tivemos ao escritor e ilustrador Anxo Fariña amosándonos os trucos da súa arte no obradoiro para nenos e nenas de 6 a 9 anos “A cidade violeta”.
Nel, Anxo nos explicou como é o seu proceso creativo á hora de crear personaxes e entre todos creamos unha cidade violeta pintada cunha pintura especial que se ilumina cunha lanterna moi especial.
Pasámolo en grande!
O día 06/07/2022 na Biblioteca municipal Segundo Gil Davila de Arbo tivo lugar esta actividade: comeza presentando aos personaxes Manuel e Manuela e contando como son e o que lles gusta facer, remarcando os estereotipos de xénero. A continuación, e como se foran segredos dos protagonistas vai descubrindo os verdadeiros Manuel e Manuela, ao que lles gusta xogar, como son, a que teñen medo ou non, etc. rompendo con ditos estereotipos.
En todo momento tratase dunha actividade interactiva na que o artista pregunta e fala cos nenos e nenas sobre os personaxes e se están de acordo ou non coas súas formulacións.
A actuación comezou ás 11.30 h e rematou ás 12.30 h; acudiron un total de 43 persoas: 23 nenos e 20 nenas dende os 6 anos ata os 13 anos de idade.
Este xoves, 30 de xuño, o parque do Piñeiral do Crego encheuse de festa, grazas ao contacontos ofrecido pola Biblioteca Xela Arias de Chapela dentro da celebración municipal polo Día do Orgullo LGTBIQ+
Manuel Solla, de Os Carballiños, achegounos “Voando libres”, un contacontos que falaba de tolerancia, de amor, de igualdade e de respecto ao diferente. Un espectáculo para eliminar clichés e trabas mentais, para poder voar libres segundo os nosos gustos e as nosas eleccións.
Nel contamos contos sobre tiburóns sen dentes, sobre ras vermellas, e moitas outras cousas máis… e asistimos a momentos de maxia e fantasía.
+ INFO no noso Weblog: https://bibliotecas.redondela.gal/voamos-libres-no-pineiral-do-crego-coa-biblioteca-xela-arias/
Paco Nogueiras, achegou o seu espectáculo ” Brinca Vai!”, ata a Biblioteca Pública Municipal de Guitiriz.
Cantamos, bailamos, brincamos, maiores e nen@s divertimonos da man de Paco Nogueiras. Baixo diferentes estilos musicais como rock, reggea, pop, ect, escóndense letras que van desde a amizade e a igualdade ata o respecto pola natureza ou as nosas festas tradicionais. Cancións para cantar e compartir, cancións para nenos e adultos.
Mirade que ben o pasamos!!
Gloria Mosquera de Mamá Cabra presentou en Brión o espectáculo musical “Patrimonio Natural”, un recital baseado no libro-disco do grupo Mamá Cabra titulado “A fraga do meu avó” publicado pola editorial Galaxia en 2019. Unha obra dirixida a público infantil que busca concienciar sobre a problemática dos bosques autóctonos e dos espazos naturais. Ler máis →
O xoves 30 de xullo na Biblioteca de Lourenzá pequenos e grandes desfrutaron cos experimentos que lles ensinaron as enormes propiedades da auga, e como hai que coidar o noso planeta.
Rematadas as clases iniciamos as vacacións cunha actividade onde se mesturan os contos tradicionais con pequenas dramatizacións. O público asistente, grandes e pequenos, pasárono en grande con esta achega á nosa tradición oral dun xeito tan lúdico como atractivo que nos presentou Nerea Brey.
O día 27 de xuño Paco Nogueiras visitou a Biblioteca Municipal de Ponteareas, ca súa actividade Extra!. A este contacontos asistiron 25 nenos/as que disfrutaron moito e interactuaron con Paco. O publico infantil o pasou moi ben de tal maneira que apenas un rapaz se levantou do seu asiento para ir ao baño.EXTRA! convída a conectar co mundo e transformar a realidade en canción. Quen dixo que non se poden cantar as noticias? E bailalas? En EXTRA! pódese. E cantos máis sexamos, moito mellor. Melodías e ritmos modernos, pegadizos e bailables que as cativas e cativos de Ponteareas poideron disfrutar e aprenderon a cambiar e transformar o mundo mediante as cancións, con ritmos moi actuales.
En realidade esta actividade é un “xornal musical” que Paco Nogueiras ideou para compartir con con todas as nenas e nenos. En EXTRA! os temas dispóñense en distintas seccións onde cada composición aborda noticias nacionais e internacionais, sucesos, información social, cultural e divulgativa, deportes, opinión, pasatempos e ata unha axenda de actividades.
O pasado xoves, estivo con nós O Mago Paco cunha morea de contos e historias a través de xogos e da maxia que levaron aos nenos a descubrir a “maxia divertida” que agochan os contos. Unha actividade que os nenos pasárono xenial.
Séguenos