O martes, 21 de setembro, pasámolo estupendamente na compaña de Lucía e Paula que nos trouxeron unha chea de historias que atoparon nun gran libro secreto  e que nos transmitiron valores moi importantes como é a igualdade.

O venres 17 de setembro, as compoñentes de Trécola Teatro visitaron a biblioteca de Nós e, aderezadas con música e baile, nos contaron moitas historias sobre a igualdade.

Foi unha sesión divertida e moi interesante.

Unha magnífica actividade para despertar a imaxinación dos mais pequenos a través do mundo dos contos

Este venres día 17 visitounos Anxo Moure co seu espectáculo “Pes de Lobo. Un lobo na biblioteca”. Ensinoulles aos nenos e nenas de Santa Marta o que deben facer no seu día a día para salvar o bosque dos contos. Como sempre unha maneira moi amena de aprender valores tan importantes como o respecto e o coidado do noso planeta.

Dinámica e simpática versión do conto de Hamelín con malabares e clown.

Onte comezamos as actividades de animación á lectura deste mes de setembro do programa LER CONTA MOITO co desexo de cumprir o noso obxectivo de seguir promocionando a educación e a cultura, pero sobre todo animar á lectura a nenos/as, mozos/as e adultos de todas as idades; ademáis de ofrecer espazos de encontro para descubrir, compartir e achegar á cidadanía á lectura e á información dun xeito divertido e ameno.

A primeira das actividades tivo lugar onte XOVES 16 de setembro ás 12:30 horas, no Auditorio do Concello, no que contaremos con Diego González Hermida “O CALBOROTA” que nos trouxo o seu espectáculo “UN RATO MÁXICO” no que “Don pergamiño, un vello e simpático rato de biblioteca extraordinaria que le tódolos libros que aparecen nas súas mans e os interpreta de tal xeito que os nenos e as nenas viven o seu contido e as súas aventuras como se foran propias”.

O show de maxia educativa moi interactivo onde se mesturou o ilusionismo co contacontos e os monicreques, fomentando a imaxinación e a participación co obxectivo principal de animar á lectura.

Os convidados a esta actividade, os alumnos de INFANTIL do CPI “Curros Enríquez” de Pazos, pasaron “UN RATO MÁXICO” estupendo e moi divertido.

O xoves 16 contamos coa compañía Tricotrí Teatro e a súa representación de Monstros de dez minutos. Actividade chea de contos e música cun ritmo moi animado, utilizando libros como Carapuchiña vermella, Monstro de minuto e medio, O monstro de cores e Hansel e Gretel.

Menuda tarde a de onte chea de ilusión e alegría! Despedímonos ata outra do Pequeno Cabaret Infantil de @nelson_quinteiro, foi un pracer contar con esta actuación escenificada coma un circo antigo. Grazas a Pedrito e a Jacinta que fixeron rir moito aos asistentes presenciais e aos espectadores que o visualizaron dende a casa.

O martes, 7 de setembro do 2021, no CSC das Fontiñas recibimos a David Merelas, que levou a cabo unha actuación moi entretida na que procurou obter a complicidade dos asistentes facéndoos partícipes da mesma. O recurso ao clown e os malabares enriqueceron esta orixinal adaptación do conto popular “O frautista de Hamelín”.