Espectáculo de Raquel Queizás no que a narración oral de contos clásicos acompaña ao audiovisual de fragmentos das primeiras adaptacións cinematográficas de cine mudo dos mesmos e no que se fai uso das novas tecnoloxías para introducir á narradora nesas mesmas películas.
Un grupo de nenos, nenas e maiores escoitaron na tarde do pasado venres Os Ratos de Lonxedetodo, que contaxiaron a grandes e pequenos o gusto pola lectura. Estes ratos utilizaron a música, a comedia e diferentes recursos para contar os contos, cheos de aventuras. Foi unha tarde divertida de contos.
Día 15 de outubro de 2021 ás 18:00, biblioteca de Escairón
Celebramos o mes das bibliotecas coa actividade do programa Ler conta moito…
da man de Xosé Manuel, Hermánager
o 15 de outubro, ás 18:00 na biblioteca
Achegámonos á técnica do debuxo de personaxes a través de personaxes coñecidas (como Lisa Simpson) e fixemos figuras ás que relacionamos con algunha das aplicacións que temos nos nosos teléfonos móbiles.
Non é difícil identificar que está a facer unha personaxe cando vemos a “icona” da rede social que está a usar, por exemplo o Whatsapp:
O pasado martes 5 de outubro, Paco Nogueiras co Radio Bulebule, transmitiu na radio en directo un divertido programa cheo de humor, baile e cancións. As letras das composicións e as melodías destacaron polos ritmos modernos, pegadizos e bailables coa participación do todo o público.
Partindo de coñecidas películas e series baseadas en libros, os e as participantes, alumnos e alumnas de 1º de ESO, do IES. POETA DIAZ CASTRO, aprenderon da man de Ainhoa, de Crearte Servizos Culturais, as claves para contar unha historia con perspectiva de xénero, reescribiron escenas e convertiranse en actores e actrices de dobraxe que deron voz, a súa voz, a eses personaxes que visualizaron despois na súa nova versión. Unha creativa proposta para fans do audiovisual que fomenta a igualdade.
Inacio Vilariño, de Fantoches Baj, presentounos onte na Biblioteca Municipal de Lugo unha chea de medos e os divertidos remedios para enfrontarse a eles.
Se por exemplo, o medo é ao demo desencaminador que aparece nos camiños, podes cantarlle esta canción:
“Demo escoita o que che pido
que apartes do camiño
que teño que ir a bailar”
E así para cada medo, todos teñen un conto ou unha canción!
Onte a tarde encheuse a biblio de música, poesía e paz con Soñando inventei de María Faltri e Jorge Juncal. As cancións que se interpretaron no espectáculo forman parte do libro disco “Fantasía coas palabras”. Neste concerto mestúrase música e poesía que conta como sentirse en paz, fala de persoas que non queren ser xulgadas polo seu aspecto ou identidade, libres para ser elas mesmas.
A maneira de contar de Lia Magalia é diferente. Os espectadores introdúcense no relato e viven as mesmas peripecias que os personaxes de ficción. Adéntranse en selvas, móllanse, loitan con osos e vencen.
Concerto de PAKOLAS “Rockeamos todas con Pakolas”
Espectáculo de carácter familiar protagonizado polas mulleres que inspiran as cancións de PAKOLAS das que conta diferentes historias de superación que teñen que ver coa desigualdade, a loita pola liberdade e o respecto.
Séguenos