Unha componedora de ósos vén á biblioteca de Oseiro porque lle chegaron noticias de que a xente está moi mal.
Entre os asistentes busca axudantes que teñen que superar unhas probas
Mentres lles cura dos seus males cóntalles a historia dunha corva.
Ao final da actuación, os asistentes que quixeron a ela para ver, dentro dunha caixa a cousa máis marabillosa do mundo.

Hoxe celebramos na Biblioteca do Barqueiro o Día das Escritoras, cunha actividade moi divertida impartida Polo correo do Vento á comunidade do CEIP Francisco López Estrada.

Con “Mulleres nas Letras” aprendimos moito das autoras homenaxeadas nas Letras Galegas: repasamos as súas biografías, cantamos cos seus poemas e rematamos debuxando á primeira, a Rosalía.

O alumnado quedou encantado cun conta contos musicado ao ukelele e có obradoiro de caricaturas.

Grazas ao Polo correo do Vento por facernos pasar un rato tan divertido e instrutivo.

Hoxe na Biblioteca de Maceda tivo lugar a actividade “Voces en conflito: entendendo os discursos de odio”, dentro do programa Ler Conta Moito. Foi unha sesión didáctica, dinámica e moi participativa, que buscou facer reflexionar ao público asistente —especialmente á mocidade— sobre como se xeran, difunden e normalizan os discursos de odio na sociedade actual.

A través de dinámicas de grupo, exemplos reais e ferramentas de análise crítica, traballouse sobre a importancia de identificar estes discursos e de fomentar actitudes baseadas na tolerancia, no respecto e na convivencia. A actividade resultou moi enriquecedora e adaptouse perfectamente ao contexto dunha biblioteca como espazo de encontro, formación e pensamento crítico.

Grazas a todas as persoas participantes e ao equipo que fixo posible esta xornada de aprendizaxe tan necesaria nestes tempos.

O martes, 7 de outubro, desfrutamos con “1 mar de cores” dunha sesión de contacontos e obradoiro sensorial que encantou ás familias de Oleiros.

Un agradable estímulo para os sentidos  que puxo  en valor en todo momento a nosa relación co medio natural.

A Farra achegounos un espectáculo onde nos contou a vida de Xan. Xan é un rapaz ao que lle gusta moito o mar. Unha mañá descobre que o mar xa non ten ondas e parece que está moi enfermo. Con Xan das Ondas emprendemos unha gran aventura mergullándonos  no máis profundo dos océanos. Nesta  aventura coñecemos aos habitantes dos mares e coa súa axuda descubrimos por que está enfermo o mar.

Na Biblioteca Municipal de Dorneda aconteceu un obradoiro “Da árbore ao libro” da man de Cuarto de inverno, o día 6 de outubro ás 17:30 h., no que nenos e nenas disfrutaron confeccionando un libro partindo de cero, coa súa cuberta e libriño debidamente decorados. Martín, o monitor encargado da actividade, explicoulles a todos, con anterioridade, un pouco a historia de cómo se fai un libro e de tódolos responsables do proceso. Os rapaces quedaron contentos co resultado e entenderon moi ben a explicación de Martín. Todos se foron felices para casa despois de pasar un anaco educativo, divertido e agradable.

Onte recibimos a visita do rato Fuco os Ratos de Lonxedetodo da man de Trinke Trinke teatro.Tróuxonos cancións en directo e algúns contiños que nos fixeron pasar unha mañán moi entretida.

O sábado día 4 as crianzas de Vilar de Barrio e arredores desfrutaron dun espectáculo con Alba de Vales: “Contos arredor de nos”, historias e cantos que puxeron de manifesto o saber e sentir da persoa oprimida, e de nós; coñecedoras de persoas opresoras e oprimidas.

A Compañía Trémola Teatro presentounos a actividade “VAMOS AO RECREO“, compartindo con nós a historia de Sara,unha rapaza que revolucionou o patio. Unha mañana chea de bailes e risas ! Porque no recreo sempre ocorren as aventuras divertidas.

O pasado venres 3 de outubro desfrutamos na Biblitoeca de Mera do obradoiro Tortilla de ovos de conto de Pedras de papel: artesanía e patrimonio, as nenas e nenos dederon vida a personaxes de conto en 3D usando pasta de papel.

Creatividade, diversión e moita imaxinación nunha actividade onde a artesanía e as historias se mesturaron para crear verdadeiras obras de arte!