O pasado sábado 13 de setembro a biblioteca de Narón converterase nun escenario cheo de misterio e emoción coa actividade Escándalo na biblioteca, un xogo de escape room para nenos e nenas a partir de 8 anos.

Durante esta aventura, os/as participantes convertéronse en detectives para resolver un estraño caso que sacudiu á Aula Marabilla do colexio Fantasía. O grupo viña á biblioteca para asistir ao espectáculo do Mago X, pero… algo saíu mal. A luz marcha varias veces e, de súpeto, todo está revolto!

As nosas pequenas e pequenos detectives puxeron a proba a súa mente e traballaron en equipo para resolver o misterio. 🧠✨Unha vez máis, a experiencia demostrounos que non é bo deixarse levar polas aparciencias. 😉

Escoitar un conto é darlle á cachola e viaxar a outros mundos. Sorprenderse tamén.

Este espectáculo fala do mundo animal, que tanto lle presta ás nenas e nenos.

Unha xirafa que rompe o tellado polo seu inmeso pescozo, a vaca Lola, un can que sopra un globo…

Un xeito de contar historias moi didáctico e que promove a participación constante do público.

Está orientado para a rapazada ata os dez anos.

Realizamos un obradoiro tecnolóxico onde as nenas e nenos aprenderon de forma lúdica conceptos básicos de programación, robótica e electrónica. Xogaron e construíron os seus propios robots de “LEGO Mindstorms”, “LEGO Spike”, xogaron con esferas intelixentes “Sphero Mini” e tamén con outros dispositivos electrónicos.

Construccións 3D hoxe na biblioteca de Esgos con Palitroques.

O tamaño das estructuras obrigounos a sacar os palitroques á porta da biblioteca.

Unha actividade en equipo que repetiremos!

O pasado sábado día 6 de setembro tivemos nos alrededores da biblioteca a visita de Paco Nogueiras co seu novo espectáculo  “Son animal”.

Unha tarde onde todos disfrutamos e participaron os máis cativos coas divertidas cancións de toda clase de animais e os seus sons.

O público asistente gozou co conto-xogo protagonizado por Tito e Tita, dous irmáns con moitas ganas de xogar.

A través da súa historia, reflexionaron sobre a igualdade, a inclusión e a amizade, vendo como os nenos e nenas, a pesar das diferenzas iniciais, aprenderon a compartir e divertirse xuntos. Despois da historia, todas e todos puideron experimentar o xogo favorito dos protagonistas: a croqueta, rodando polo chan entre risas.

Como despedida, levaron unha landra máxica, símbolo da loita contra os incendios e do poder da natureza para protexer o noso entorno.

A perrita Becki, contounos historias que foi coñecendo nos seus viaxes polo mundo.

Contaunos contos pero tamén fíxonos cantar e bailar con ela

Nesta presada de distraccións a estrear, actuará o mellor ilusionista dispoñible,…non será o mellor, mais será o máis dispoñible, amosando unha escolma de trapalladas ben feitas.

Amais, invocamos á participación das persoas presentes…e as que non acudan tamén, grazas ás propiedades de atracción que nel son espalladas. En resumo: unha tarde con moito aquel.

O venres 5 de setembro realizamos na Biblioteca do Grilo-Cacheiras un obradoiro sobre creación de cómic autobiográfico impartido polo ilustrador Denis Carballás. Houbo un pequeno repaso da linguaxe do cómic e de cómo crear personaxes. A continuación, cada participante elaborou unha pequena historia que presentou ao grupo.

Divertido espectáculo dirixido ao público familiar, no que Nelson Quinteiro nos achega dun xeito moi didáctico a coñecer os tipos de instrumentos da música tradicional. Unha posta en escena moi coidada.