O mércores 28 de xullo tivo lugar a actuación de A Run Run co espectáculo Avoas no exterior da biblioteca.

Foi unha hora moi divertida na compaña de duas avoiñas moi activas.

O pasado 28 de xullo a rapazada de Abegondo pasouno en grande nunha xornada moi moi divertida, non hai máis que ver as fotos que así o testemuñan. Os nenos e nenas bailaron, xogaron e riron, do cal tiñan moita falta. Espectacular a actuación de María Faltri!

Coma sempre Caxoto non defraudou as nenas e nenos do P.A.I. do Concello de Bóveda que segiron moi atent@s a contada e as aventuras de Xan na súa granxa de animais

O día 28 de xullo tivemos na nosa biblioteca de O Burgo a Manuel Vicente con “Laboratorio de cambio climático”. Os rapaces aprenderon a  importancia de coidar e cómo utilizar o que temos no noso planeta para non deterioralo máis. Con preguntas moi interesantes, proxección de noticias ao respecto e algún caso práctico… saíron concienciados que coidar o planeta depende de todos.

Pakolas visitou Irixoa co seu espectáculo “Rokeamos todas con Pakolas”.  De xeito divertido, e coma sempre a ritmo moi rockeiro, as nenas e nenos aprenderOn da importancia de medrar e vivir en igualdade, a través das protagonistas das cancións e contos de ELAS:  nenas, mulleres, figuras femininas inspiradoras que nos dan a coñecer diferentes historias de superación da desigualdade, de loita polo respecto e a liberdade.

As rapazas e rapaces do campamento de verán desfrutaron con esta actividade

e aprenderon moito de debuxo

O día 23 de xullo ás 20.30h. achegouse ao Pereiro de Aguiar o mago Pedro Bugarín, que nos ofreceu un espectáculo de maxia combinado con humor, que lles encantou tanto a nenos e nenas, como  aos adultos.

O pasado día 13 de xullo Ana Fachini visitou o Pino para compartir cos case cen participantes da escola de verán as historias que compoñen Cantos, contos e outras animaladas.

Paco Nogueiras acompañounos o pasado venres, 23 de xullo, nunha tarde chea de música que fixo brincar á cativada de Boqueixón e mesmo ás súas familias. Unha entretida sesión con mistura de cancións, música e teatro.

Máis de medio cento de participantes puideron desfrutar da música e das imaxes, cantar e mesmo bailar, mantendo as correspondentes normas COVID, co espectáculo “Radio Bulebule”.

Este espectáculo estaba previsto para ser nas instalacións da piscina municipal onde, como cada venres do verán, ten lugar a Bibliopiscina, pero dadas as condicións metereolóxicas, tivo que mudarse ao un espazo anexo (salón de actos do CPI Antonio Orza Couto).

No día de hoxe A RUN RUN presentou “Aquelando As Nosas Letras” na Axencia de Lectura de Portosín.