A Biblioteca Municipal de Ponteareas tivo o pracer de contar con Pinconús Teatro, a cargo de Carlos Coira, o martes 11 de agosto.

Utilizando como pretexto o mundo das palabras e dos libros, Carlos Coira, mostrounos a súa obra Abrapalabra, que nos permite gozar da maxia das palabras. Con elas podemos xogar e xa vimos que o resultado é do máis divertido, e de paso aprendemos algúns truquiños de maxia que espertaron a curiosidade das/os máis cativas/os e das persoas adultas.

Foi unha actividade moi dinámica, onde as/os máis cativas/os estiveron implicadas/os e participando dende o primeiro momento. Algúns dos trucos crearon verdadeiro interese e admiración, todo isto acompañado de música, libros e, como non podía ser menos, moita maxia!

BIBLIOTECA MUNICIPAL DE TEIXEIRO

O pasado día 12, Xoán Curiel visitou Teixeiro co conto-concerto para montar a túa “Banda de Verá”.

Xoán soubo captar a atención dos asistentes, que participaron acompañando a súa actuación.

Esperamos velo outra vez!!!

O martes 18 de agosto tivemos na Axencia de Lectura de San Vicente a visita dunha ratiña de biblioteca, Lili Gruyere, cun axudante moi especial “O Coelliño Branco”. Divertida mañan na que entre contos e maxia gozamos das historias que nos contaron: Lucia Cotriñas e O Coelliño Branco…e sorprenderonnos cun espectáculo de maxia a dúo.

A narración oral, o medio ambiente, o teatro de sombras, a música e a participación dos nenos e nenas mestúranse nesta actividade, “A pirata María contra o lixo na ría”, á que asistiron os nenos e nenas do campamento urbano medioambiental, disfrutando intensamente.

O DIA 6 DE AGOSTO ÁS 20.30 HORAS, LEVOUSE A CABO  NO PARQUE PRÓXIMO A BIBLIOTECA MUNICIPAL DO CONCELLO DE LOBIOS, XA QUE POR MOR DO COVID-19 FAISE AS ACTIVIDAES TODAS EN EXTERIOR. MERE CLOWN (MOC-MOC) ACHEGOUNOS OUTRA VERSIÓN DUN CLÁSICO COMO É O FRAUTISTA DE HAMELIN, REALIZANDO UNHA VARIACIÓN  DO CONTO, NARRADO CON MOITO HUMOR, BROMAS E MALABARISMO, MOSTRANDO NESTA HISTORIA UNHA LECCIÓN DE HONESTIDADE E ALTRUISMO.

Contacontos musical a cargo de Xiada, de Animar-t, realizado dentro do programa Ler contamoito. Os nenos e  nenas de Guitiriz disfrutaron un montón coa actividade.

Valoración da actividade dos nenos e nenas que asistiron.

O mago Paco estivo hoxe pola mañá en Esgos co espectáculo “Maxia divertida”. A choiva obrigounos a estar ó acollido e ainda que tomamos todas as precaucións (máscara, xel, distancia…) non puidemos evitar que se colaran na sala un montón de persoaxes e mesmo que ardera un libro.

O pasado día 13 de agosto o chef Caxoto achegounos unha chea de receitase e elaborounos un menú con  ingredientes de igualdade co que desmontar os estereotipos de xénero e os micromachismos cociñados a lume lento ao longo da historia. Un prato de bo gusto onde entre risas, contos e sorpresas afinamos o noso padal na igualdade e contra os estereotipos de xénero.

O venres 14, na biblioteca, visitounos  MIGALLAS TEATRO, coas súas cancións e os seus contos pasamos unha mañá moi divertida.

Onte tivemos connosco ao mago Paco coa actividade “Maxia divertida”, en todos os contos había maxia e diversión. Pasámolo moi ben.