O sábado a tarde tivemos o pracer de contar unha vez máis con Sarabela Teatro e o seu espectáculo “Noa no espello”. Unha actividade divertida e dinámica que contou coa colaboración dun público cativo moi entregado. Pequenos/as e maiores gozaron disfrazándose, cantando e bailando con “Noa no espello”.
A escritora Sabela Losada visitou a Biblioteca Municipal de Sada cun obradoiro que encantou aos participantes e no que combinou a lectura do seu conto Vermella cun xogo posterior de preguntas que deron pé ao debate sobre temas coma os prexuízos asociados á menstruación ou actitudes sexistas con relación ao deporte.
O pasado venres día 4 estivo na biblioteca Marisa Irimia e a pirata Escarlata, que fixeron pasar unha mañá moi agradable os nenos e nenas da escola infantil de Covelo.
Dentro da Programación “A Biblioteca conta en Igualdade” que ten lugar en todo o mes de Outubro na Biblioteca Municipal, dentro do Prograa Ler Conta Moito_Igualdade, o venres pasado tivo lugar a contada de “Contamos en Igualdade” da man de Eduvia Xetión Cultura e Lecer. A actividade tivo boa acollida polos seus e súas participantes.
TrinkeTrinke Teatro estivo en Viveiro co” Ratiño Presumido”
.
unha fermosa contada.
A compañía Migallas Teatro estivo o sábado 5 de outubro en Catoira co espectáculo “Canta connosco!”. Pequenos e maiores gozaron coas divertidas historias e anécdotas deste libro-disco-dvd que María e Carlos nos contaron e cantaron.
Este sábado, 5 de outubro, ás 12.00 h no salón de actos anexo á Biblioteca de Ribeira apareceu un galiñeiro cheo de ovos de conto. Electra Menéndez foi presentando, coa axuda dos nenos e das nenas, todos os personaxes que alí vivían.
Ao rematar as presentacións fixemos un conto entre todos no que había había gatos con botas, tres porquiños, un mago… Unha manchea de personaxes e historias.
Logo dos contos pasamos ao obradoiro onde facer plastilina para crear os nosos propios “ovos de conto”.
Grazas a todas e todos os que participastes.
O venres 4 de outubro, en “Tardes de Contos e lendas” tivemos con nós a “Garabato de xogos”. “Unha armadura con ferruxe “. Espectáculo estupendo e divertido. O público disfrutou moito e aprendemos ago máis sobre a igualdade, a familia, as guerras…
Séguenos