Na biblioteca de Vilalonga o 13 de setembro, Trémola Teatro, representou para nenos de 6 meses a 4 anos unha sesión de dinamización con música, teatro e danza. A través de diferentes elementos sensoriais os máis pequenos, coñeceron a distintos animais, cos que tiveron a oportunidade de xogar e bailar.
O sábado 14, tivemos a visita de Antía Yáñez, que acompañada de Lúa, contounos a historia de convivencia e respecto á igualdade dentro do patio dun colexio.
O venres, 13 de setembro tivo lugar na biblioteca de Nós o espéctaculo da Ovella Engracia a cargo de Aldaolado.
A ovella Engracia non está contenta coa vida que leva, pensa que é aburrida. Ela o que desexa é ver a lúa na noite.
Un día decídese e escapa do seu rebaño e vai detrás da lúa. Nesa viaxe atopárase con distintos animais que lle darán forza e ensinaran a confiar en si mesma.
Metáfora moi axeitada para abordar o tema da igualdade entre homes e mulleres e a violencia de xénero.
O público quedou encantado coa contada de María e Lucía, aderezado coas cancións na preciosa voz de Lucía.
O venres 13 de setembro recibimos na ALM dos Tilos a Anxo Fariña que contounos a historia de Dulcinea, a nena cabaleira. Mesturando a narración desta historia coa ilustración fixo as delicias da xente que veu desfrutar da narración e máis aquelas que levaron un debuxo de agasallo.
Pakolas é un espéctaculo infantil que combina pequenos contos con moralexa coa música rock ao tempo que se van ilustrando por Laura Romero as personaxes que saen neses contos, de xeito que o resultado final é unha dinamización musical de contos cantados con guitarra e ao ritmo de rock rollo acompañada de debuxos ,na que todxs os nenos interactúan con xestos, bailes e coros ao ritmo das cancións.
Este venres 13 de setembro, tivemos ocasión de disfrutar dete espectáculo na Casa da Cultura Manuel Lourenzo do Concello de Valadouro, 140 nenos e nenas do CEIP Santa María do Valadouro foron o público afervoado que aplaudiu e coreou as cancións de Pakolas de principio a fin.
actuación de Pakolas
Casa de Cultura do Valadouro
Contacontos de Carmen Domech:
Da señora Antonia din que é unha meiga. Será polo seu aspecto? Sombreiro picudo, nariz afiada, verruga no rostro, a costa encurvada, andar decidido e saia morada.
Ou polos seus amigos? Bandidos, pantasmas, morcegos e almas.
Pero a señora Antonia, a través de cinco historias, achegounos a un mundo de tebras onde, co humor, o amor e o terrorrrrr, pasámolo de meeeeedooooo.
Día 13 de setembro de 2019 ás 12:00, na biblioteca de Escairón
Temos a segunda actividade do ciclo de actividades sobre igualdade na biblioteca con…
da man de Carmen Domech que como non puido vir, nos enviou a Jorge Rey
o 13 de setembro, ás 12:00 na sala infantil
Visitounos o alumnado de 5º e 6º de Educación Infantil e de 1ª de Primaria do CEIP de Escairón.
O carteiro chegou con cartas para un montón de personaxes e autores e tamén para 3 visitantes da nosa biblioteca!
Cada unha das cartas levábanos a coñecer un conto:
-Rosa Caramelo
-Arturo e Clementina
-Gústame Martín
Pasámolo xenial e descobrimos distintas formas de escritura!
Pola Igualdade dende a Maxia, de Leo Leíño gustou tanto aos cativos de Corcubión que pasou o tempo voando.
Un lote de trucos de maxia, algúns consellos para explicar a igualdade entre homes e mulleres aos máis pequenos, e unha visita moi especial dos nen@s do Proxecto Lecer, que se celebraba no verán en Corcubión, fixo que esta mañá na Biblioteca fora así de divertida.
Deica outra!
Este pasado venres tivemos en Domaio a Xoán Curiel co libro-disco”Canta miña pedra canta” dedicado á figura de Antonio Fraguas. Xoán cantou as cantigas do autor homenaxeado no día das Letras Galegas así como outras de creación propia que elaborou para falar da vida de Fraguas.
Foi unha tarde divertida para nen@s e maiores. Bailamos e cantamos e aprendemos moito sobre Antonio Fraguas.
O pasado venres 13 de setembro visitounos Migallas Teatro coa actividade “Elas pintan moito”. Foi toda unha aventura facer unha viaxe polo mundo a través da vida e obra de catro pintoras. A contada tiña todos os ingredientes para que a rapazada o pasara en grande: didáctica, lúdica e moi participativa.
Séguenos