O venres, 26 de outubro, desenvolveuse está actividade que deixou abraiados ós participantes. En grupos tiveron que buscar pola habitación unha serie de pistas e enigmas que debían ir resolvendo co obxectivo de poder rescatar a Alicia, que se atopaba dentro dunha gaiola fechada cunha serie de cadeados. Os grupos tiñan que acadar os códigos para poder abrilos. Cada grupo tiña que ocuparse dun cadeado e entre todos tiñan que cooperar para poder abrir a gaiola. Moi entretida. Aprenderon moitas cousas sobre o mundo máxico de Alicia e Lewis Carroll dun xeito divertido.

Caramuxo Teatro fixo gozar aos máis pequenos e pequenas da casa cun espectáculo coidado, pensado e delicado, onde os protagonistas foron os zapatos: grandes, pequenos, altos, baixos, gordos… e pequecho, o zapato que chegou á lúa.

A actividade encadrouse nos actos de celebración do Día da Biblioteca.

Co gaio da celebración do Día das Bibliotecas , o día 23 de outubro pasmolo en grande con Teatro Calavera  que fixo as delicias na biblioteca de Coiro con Chocolate.

Desfrutamos dun estupendo contacontos onde o Cociñeiro Antón reta a pasteleira Tomasa a conseguir o mellor chocolate do mundo.

Tomasa colle rumbo mar adiante en busca da árbore do cacau e consegue facer o mellor chocolate do mundo….

E todos dimos fe diso, ummm riquísimo!

Par celebrar o día da Biblioteca e na proximidade do samaín Carmen Domech veu contarnos contos terroríficos coa súa amiga a señora Antonia.

.

O Día da Biblioteca, 24 de outubro, Paco Nogueiras veu a sintonizar Radio Bule Bule á biblioteca Pérez Parallé de Fene. Todos pasaron un bo rato con cancións, a bailar e a escoitar música nun espectáculo cheo de humor

O sábado 20 de outubro as 11, 30 h. celebramos o Día da Biblioteca coa representación de Onde está o vento?

Tódolos nenos e nenas axudamoslle a Tareixa na procura do vento.

No día da Biblioteca convidamos os mais pequenos en duas sesions para compartir “Contando en feminino” con a “Asociación Cultural Lisistrata”

Mediante contos e xogos, ensinase os nen@s a convivir en igualdade, a inventar, a soñar……….

Formativa e ilustrativa actividade para axudar a inculcar valores dende pequenos

A Biblioteca Municipal de Alfoz recibiu o venres 26 de outubro a Marisa Irimia, que nos descubriu a emocionante historia de A biblioteca secreta. Narración oral que nos achega a dureza da guerra de Siria, máis tamén a esperanza das boas accións.

Este pasado luns a Biblioteca do CEIP Xosé Luis Taboada converteuse en un restaurante onde nada é o que parece: os pratos son libros, as culleres lápices, etc…Un orixinal e divertida proposta de animación á lectura.

Bibliodiscoteca

Como motivo da celebración do día da Biblioteca(24 de Outubro), quixemos celebralo  cunha festa o día 25.

Visitounos María Faltri  no centro Cívico de Vite de Santiago de Compostela coa súa Bibliodiscoteca, cunha selección dos mellores temas en galego. Organizamos unha gran festa no salón de actos, onde cantamos, bailamos, nos disfrazamos con perrucas, sombreiros, pompóns,….e sobre todo con moitas ganas de pasalo ben.