Este xoves 4 de outubro visitounos o mago Pedro Bugarín na Biblioteca Emilia Pardo Bazán de Sanxenxo e o éxito foi total pois a maxia de Pedro enfeitizou tanto a pequenos coma a grandes. Sí, si…. dende os máis pequeniños ata os avós ficaron engaiolados cos trucos presentados no espectáculo. Maxia de cartas, de cordas e nós, maxia de froitas e cores e ata un perigosísimo truco cunha guillotina.

Todo coa simpatía que caracteriza a Pedro que fixo partícipes aos nenos e aos seus pais para gañarse ao público cunha actividade entretida, divertida, amena e asombrosa que nos deixou a todos abraiados.

Dende aquí queremos agradecer a Pedro a súa entrega e o seu bonfacer no seu oficio. Así como tamén queremos darlle as grazas por lembrarlle a todos os presentes que ser socios dunha biblioteca é gratuito e permíte gozar infinitamente alén de contos e lendas. Parabéns Pedro!  Contamos contigo para o ano que vén.

Grazas tamén a todos os que vos achegástedes até a biblioteca e compartíchedes a tarde connosco.

O martes 2 de outubro na Biblioteca Municipal de Neda tivemos a primeira sesión do programa Ler conta moito coa visita de Pablo Sánchez.

O paroleiro é moi amigo de parolar… gosta de laretear, enredar, falar e de contar. Conta sucedidos, historias e sobre todo moitos contos que leve na súa memoria, nas súas maletas, nos seus petos e nos seus zapatos.

¡Pasámolo xenial!

Parabéns polo gran traballo.

Bebés (de 1 a 3 anos) e maiores pasárono estupendamente participando de maneira moi activa nesta actividade na que Charo Pita cantou, acompañada de guitarra e de tambor africano, cancións das que tanto a letra como a música son da súa autoría.
Tamén dramatizou O trapiño de Ioké e, mesturando outros contos como Unha eiruga moi larpeira e Pío Pío, teceu unha historia que ten como protagonistas ás campás Dondondirindonga e Dondondirindón e a razón pola que deixan de tocar.

O mércores día 3 de outubro tivo lugar na biblioteca municipal do concello de Meis, a actividade de “Un banquete con moito conto” da compañia “Andamiaxe”.

Os asistentes gozaron deste taller crativo, e tiveron a oportunidade de adentrarse nun restaurante moi especial donde a imaxinación e os libros  foron os ingredientes principais dos pratos que degustaron.

Este mércores vivimos unha tarde de maxia abraiante na biblioteca de Salvaterra, cos trucos e as historias divertidísimas de Leo Leiño.

Seguimos coas actividades do programa Ler conta moito 2018 coa visita do Capitán Garfo e o seu concerto  ” Cociñando Música”.

Esta vez visitáronnos os nen@s de 1º, 2º e 3º de educación primaria do colexio Padre Feijoo de Allariz.

Gozaron dun concerto moi dinámico, divertido e didáctico, con música en directo dun gran profesional como Saúl.

Pasámolo moi ben!!

Tarde creativa na Biblioteca de Ponteareas, onde os nenas e nenos disfrutaron disenando a suas propias mochilas.

mochilas creativas con O faiado de Nin

O domingo 30 pola tarde chegaron ata A Barrela unha morea de contos e historias sobre o mar. O público asistente estivo moi entretido coas aventuras o vello mariñeiro Xan e a súa neta Uxía.

Dentro do programa da Semana Cultural de Conxo, o Mago Bagarín encheu o espazo de lectura do Centro Sociocultural de Conxo coa súa proposta de obradoiro arredor da maxia. A actividade foi magnífica e a rapazada gozou coa maxia revelada. Unha actividade para profundar.

O luns día 1 de outubro a compañía Sarabela Teatro levounos de viaxe coa súa maleta e unha caixa chea de aventuras.