Día 2 de xuño de 2017 ás 17:00, na biblioteca de Escairón

Previamente á entrega de premios dos certames Andersen hoxe e Certame de narración e debuxo infantil Letras Galegas 2017 contamos coa animación do catálogo Ler conta moito:

Palabras confeitadas

contacontos para bebés

da man de Sherezade Bardají

o 2 de xuño, ás 17:00 na sala infantil

Comezamos apagando as luces e quedando en penumbra, sentados no chan, cos papis ó lado ou en cadeiras ó redor da sala, tan expectantes coma nós.

Desde logo, estivemos moi atentos á historia desa nena que coñecía e xogaba con personaxes tan extraordinarias coma estas:

O sol

O cangrexo

O cabalo de mar

O peixe

O polbo

O verme

A bolboreta, que foi o resultado da transformación do verme!

Algunha desas personaxes era tan mimosa que quería darnos bicos, ou que llos deramos nós. E outra fíxonos cóxegas!

Foi moi divertido. Sobre todo coas pompas de xabrón: menudo descubrimento! Foi fantástico correr tras delas para pillalas e que desapareceran!

Rematamos coa entrega de premios e unha gran ovación ós galardoados!

Os premiados

ZENTANGLE NA AXENCIA DE LECTURA MUNICIPAL DO CONCELLO DA LAMA

O PASADO 9 DE MAIO REALIZOUSE UN OBRADOIRO DE ZENTANGLE APTO PARA TODAS AS IDADES NA AXENCIA DE LECTURA MUNICIPAL DE A LAMA

O ZENTANGLE É UN ARTE TERAPÉUTICO QUE MELLORA A AUTOESTIMA, A ATENCIÓN, A COMPRENSIÓN DO ESPAZO E A CREATIVIDADE.

UNHA FORMA DIFERENTE DE RELAXARSE MEDIANTE A CREACIÓN DE PATRÓNS REPETITIVOS

http://concellodalama.weebly.com/

Onte, na Biblioteca Fórum Metropolitano da Coruña, grandes e pequenos desfrutaron da  poesía a través das interpretacións musicais do cantautor galego Manoele de Felisa. Durante a actividade musicalizou textos de obras como Cantarolas, de Anisia Miranda e Xosé Neira Vilas,  e Canta a lúa coas estrelas, con poemas de Rosalía Morlán aos que el mesmo lles puxera música no CD que acompaña o libro.

A actividade estaba incluída no Ciclo temático “De acordes“, a mostra bibliográfica relacionada coa música que temos na Biblioteca Fórum ata o 30 de xuño.

O 24 de abril, para celebrar o Día do Libro, viñeron a Biblioteca Pública os alumnos de 3º e 4º de E.S.O. do C.P.I. de Pontecesures. Actividade de Zentangle con Elisabet Hillerud. Debuxos de sombras, relevo e diferentes planos. Patróns que transmiten tranquilidade e concentración e combinan arte, expresión creativa e conexión interna. Disminuir a actividade mental para gozar do momento presente.

O día 3 de abril para celebrar o Día do Libro Infantil e Xuvenil, viñeron a Biblioteca os nenos/as da Escola Infantil Municipal e os alumnos/as de 1º de E. Infantil do C.P.I. de Pontecesures. A actividade, pagada integramente polo Concello foi Contos pequeniños, con Cristina Vázquez Santos. Un achegamento a riqueza da oralidade. Contos e cantos de sempre que se xuntan con outros de agora.

O 22 de marzo, 33 alumnos de 6º de E. Primaria do C.P.I. de Pontecesures, disfrutaron moito da actividade de Efervesciencia. Coñeceron a biotecnoloxía cotía das nosas casas, extraeron o ADN dos chícharos e resolveron un pequeno misterio.

O sábado día 3, ás 12.00 h, a biblioteca de Caldas arrecendía a historias marabillosamente contadas por Fátima Fernández. Unhas eran doces e outras salgadas pero en conxunto rimos, cantamos, tivemos algo de medo e moita emoción.

Máis de vinte rapaces e moitas nais e pais, gozaron dos contos e das rimas.

Fátima Fernández buscou e atopou colaboradores moi especiais.

Foi unha verdadeira sesión de contos para familias na que todos, grandes e pequenos, o pasamos moi ben.

O 2 de xuño ás 18.00 horas, a Biblioteca Municipal de A Illa de Arousa tivo o pracer de contar coa presenza de Choupiña e Trasnón, dous trasnos do bosque máxico que viñeron a contar ós nenos e nenas máis pequenos historias que tiñan como bases os sentidos.

Unha actividade para os máis pequenos da casa na que participaron cos seus pais e nais e coa quedaron encantados. Unha actividade que fomenta a interacción e a expresión corporal dos máis pequenos e pequenas.

Celebrando a Semana das Letras, o 15 de maio ás 18.00 horas na Biblioteca Municipal de A Illa de Arousa, e dentro do Programa “Ler Conta Moito”, tivo lugar o “Gran Xogo das Letras Galegas”, onde os participantes xogaron e coñeceron algo máis sobre a orixe e significación das Letras Galegas e os autores homenaxeados, sobre todo de Carlos Casares.

Pais, nais, nenos e nenas disfrutaron xogando na Biblioteca e no seu exterior.