Lilí Gruyère é unha ratiña de biblioteca á que lle encantan os contos. O pasado venres chegou a Carnota dende Lonxedetodo para contarnos historias coma a de Lucía Cotriñas ou O Coelliño Branco, un monicreque moi tenro que sorprendeu o público con divertidos trucos de maxia. Para rematar, coa axuda da gran Lilí, nenos/as e adultos/as dramatizaron maxistralmente o célebre conto de Xosé Ballesteros.
O Mago Paco, dentro do programa Ler conta moito, presentou no Concello de Pantón, para os nenos e nenas, o seu espectáculoDivermaxia.
O afamado viñetista Santy Gutiérrez, recoñecido polas súas divertidas e ácidas viñetas diarias no xornal “La opinión de A Coruña“, estivo na Biblioteca Forum Metropolitano da Coruña para facernos partícipes de cales son as pautas básicas para debuxar un cómic. O Obradoiro, dirixido a rapaces de 7 a 15 anos, forma parte das actividades de Ler Conta Moito, programa de dinamización da Rede de Bibliotecas de Galicia.
Un ano máis Raquel Queizás, a nosa contadora de contos máis famosa, voltou ás piscinas de Verín, dentro do programa Ler Conta Moito da Secretaría Xeral de Cultura, da Consellería de Cultura, Educación e Ordenación Universitaria, a través da Rede de Bibliotecas Públicas de Galicia, en colaboración coa Biblioteca do Concello de Verín.
A actividade levouse a cabo nas Piscinas Municipais do Concello de Verín, (Bibliopiscina), ás 18:00 horas, do pasado domingo 14, para nenos/as de 3 a 12 anos.
Mariña. Contos nados no mar
Mariña foi unha serea galega que viviu entre nós hai moitos anos. Ao seu fillo contáballe lendas e mitos dos seres mariños que poboaban os fondos do mar. Agora comparte con nós todas as súas historias con nós e traenos unha mensaxe moi urxente de parte do océano, que o coidemos que non esquezamos que nas súas augas naceu a vida.
Para refrescar uns días tan calurosos de verán, na Clausura do campamento lúdico- deportivo da Baña cantamos contos con Luis Vallecillo.
Os libros trasládanse ata a Área recreativa Agra de Chans da Baña coa nosa biblioteca ambulante para que o grupo de máis de 60 nenos e nenas puideran gozar do tempo libre, da piscina e da lectura no mes de xullo.
Á primeira hora cargamos as pilas cuns bocatas saudables con productos da terra e do mar, e, a partir das 12:30h cantamos, saltamos, bailamos e contamos contos que a todos e todas nos gustan. Seguir o ritmo de Luis Vallecillo requería de moita concentración e atención para rematar facendo una gran roda combinando exercicios.
Foi unha despedida do mes de xullo estupenda!
Maxia en Coirós!!!.
O Mago Paco visitou a Axencia de Lectura Municipal de Coirós con Divermaxia, un espectáculo da Ill@ d@s nen@s no que xogos e ilusionismo mestúranse con humor 
Os nenos de Coirós gozaron co clásico “Riciños de Ouro” da man Trinke Trinke.
Contacontos acompañado de música na que os nenos fixeron a súa achega.
Este luns 8 de agosto tivemos na biblioteca municipal Sagrada Familia o pracer de contar co ilusrador Xosé Tomás que impartiu o Obradoiro de banda deseñada Coñécete a través dos cuadriños
As persoas asistentes crearon durante dúas horas persoaxes baseados no seu entorno, inventando guións sobre a súa vida e contando a súa propia historia entre as viñetas.
O pasado venres, 5 de agosto, o Mago Paco visitou a Axencia de Lectura Municipal de Carnota con Divermaxia, un espectáculo de A Illa d@s nen@, do máis dinámico e interactivo, que mestura narración oral, xogos e ilusionismo con grandes doses humor. Sen dúbida, recomendable. Que ben o pasamos!
O xoves, 4 de agosto tivemos a visita de Magín Blanco cos seus Libros En-Cantados na Semana Cultural en Zas. Que ben o pasamos!!!
Séguenos