Contos recollidos aquí e alá, contos escoitados dende nena nas sobremesas da casa dos avós, contos de animais e e contos de tema marabilloso, desenredados dende a saudade de Ramón Piñeiro; unha boa representación do xeito que ten a nosa xente de ver o mundo.

A pesar das idades dos máis pequenos, a atención e participación de todos eles durante os dous contos foi moi intensa. Todos estaban moi interesados nestes contos dende a saúdade.

Para saber máis sobre este evento, premer aquí.

O Soño do rato conta a historia do rato César. E o seu soño, viaxar no tren que transporta libros para a biblioteca. Unha historia onde a ilusión por coñecer É tan forte que vencerá os seus medos.

Olga trouxo tamén monicreques e moitos cachivaches máis para contarnos a súa historia. Todos estiveron moi atentos.

Para máis información sobre este evento, premer aquí.

E volve Larraitz a contarnos que en Babamor hai familias grandes e pequenas, familias diversas envoltas en toneladas de cariño. Ollos que miran a outros ollos, cóxegas e paseos por xardíns de bolboretas.

O venres 16 de outubro tivemos a visita dunha maga moi especial, LeoLeiño, acompañada da súa axudante Cristina e unha peculiar coelliña de indias. Entre o abraio e a risa, Leo fíxenos pasar unha divertida tarde onde non faltaron as variñas máxicas, as super “varotas”, libros con lume, e moitos outros trucos de maxia que engaiolaron tanto aos rapaces coma aos adultos que asistiron ao espectáculo.

Hoxe en Cordeiro as princesas non quixeron ser princesas, o lobo tívolle medo a Carapuchiña , Tarzana gañou as olimpíadas da selva…Os contos foron contados ao revés.
As contadoras souberon xogar cos contos tradicionais para fomentar a igualdade e o respecto e conseguir a participación dos nenos no seu contacontos.

A Biblioteca Pública de Ponteareas acolleu a actividade de animación “ Catalina Lino Lina”, a cargo de Glub Glub Teatro, dentro do programa  “Ler Conta Moito” da Xunta de Galicia, co obxectivo de fomentar a lectura entre os máis pequenos, e enmarcado dentro das actividades que se organizan durante o mes de outubro no Concello de Ponteareas, co gallo de celebrar o Día da Biblioteca.

Esta actividade tivo lugar o día 15, xoves, ás 18:00 horas na sala de usos múltiples da Biblioteca Pública Municipal e consistiu nun espectáculo enfocado a transmitirlle ao público de 3 a 12 anos a paixón polos libros. Nesta representación, Catalina Lino Lina, farta de agardar a que alguén abra as páxinas do libro no que habita para poder cobrar vida, decide escapar para vivir as súas propias aventuras.

Este espectáculo cheo de contos e moi animado fixo que tanto os nenos como os seus acompañantes disfrutaron moito desta actividade e que lles provocou infinidade de risos e aplaudiron durante toda a actividade como proba de que lles gustou moitísimo.

Maxia cómica para todo o público, sempre con relación cos libros e con escritores, contando historias relacionadas con xogos.

O xoves, día 15 de outubro, na Biblioteca de Lorbé o pasamos estupendamente con Xandobela, co espectáculo “Pan e auga? Sopas!”.

A actividade ten dúas parte, a primeira é un contacontos con historias de tradición oral, moi divertidas e sorprendentes. A segunda é un obradoiro de cociña, anímse aos participantes a “papar un rato”, pero non un rato calquera, un moi apetecíbel e saboroso.

Apetéceche un rato!!!!

Dentro do seu periplo por Cambados, Pablísimo non podía deixar de visitar a ALM de Castrelo, onde os pequenos, e non tan pequenos, puideron gozar onte das divertidas historias que se mesturan no seu Contiario… non se pode celebrar mellor o Mes das Bibliotecas!

Velaí van algunhas fotos…