O día 20 de Xuño , para celebrar o remate do curso escolar contamos cá Asociación Musical Musicreques, que fixeron unha representación teatral con monicreques na que se mesturaba música de piano en directo. A actividade foi entretida e didáctica, gustando moito ós nenos e maiores que pasaron unha tarde agradable e divertida.
Dentro do programa Ler Conta Moito promovido pola Xunta de Galicia, o sábado 21 de xuño Bea Campos e David Fernández acompañáronnos na última sesión de Entre arrolos e contiños – Os contos do Chupete deste curso.
Foi como sempre unha fantástica mañá de animados contos e cancións que fixeron as delicias de pequenos e maiores.
Comezamos, para non perder o costume, coa canción de benvida seguido dun conto tradicional e ben coñecido por todos, o Garavanciño. Despois de seguir as súas peripecias ata acabar na barriga do boi, fomos de paseo ao Zoo, onde coñecimos a simpáticos animais como a curuxa Paca, o rato Xan, o panda Andrés… E como a cousa ía de animais, seguimos a sesión con outro clásico: os Tres porquiños. Acompañamos tamén ao pequeno Iyoqué, que a pesar de non ser alto como a súa amiga a xirafa, nin forte como o gorila, feroz como o león ou áxil como a gacela, está moi contento de ser todavía pequerrecho, pois así ten a sorte de caber no colo da súa mamá…
Para rematar, fixémolo como xa é habitual con dúas cancións populares, que nos meteron o ritmo no corpo para toda a fin de semana.
Deixámosvos o enlace ao álbum da biblioteca onde podedes ver os mellores momentos da sesión!
Neste contacontos o Duende Dada deleitou os nenos cun repertorio
de contos nos que traballaron valores como a convivencia, a
igualdade, etc ademáis de fomentar o hábito da lectura entre os
máis pequenos. A actividade tivo lugar o día 20 de xuño
A narradora deleitounos con unha mezcla de ficción e realidade incluindo moitos contos clásicos como Hansel e Gretel, Alicia no país das marabillas xunto con personaxes de novela como Don Quixote e Sancho Panza.
Foi unha boa e intensa actividade de animación á lectura
O día 20 de xuño tivo lugar na AML este xogo do programa Ler conta moito no que participaron arredor de
40 nenos no que reflexionaron sobre a diversidade lingüística e os distintos idiomas de maneira que os
rapaces aprenderon palabras noutras linguas e divertironse
O público asistente a esta actividade coñeceu a través dos monicreques a importancia de coidar o medio ambiente e o proceso da producción, elaboración e manipulación da mel nunha tarde moi divertida e a vez educativa.
O xoves 19 de xuño na Axencia de Lectura de Santiso, tiveron lugar os contos de Sole Felloza “Vento e Chuvia”, que foi adaptando ás distintas idades dos nenos e nenas. Todos os asistentes estiveron moi entretidos e animados.
O mércores 18 de xuño o Club de lectura Pintor de Castinande da BPM de Sober asistiu a unha sesión da contadora Charo Pita.
Os integrantes do club de lectura escoitamos historias de amor, erotismo e morte basadas en contos de aquí e de outros lugares que nos fixeron reflexionar, compartir e tamén ,como non, pasar unha boa tarde.
O pasado día 14 tivo lugar na Biblioteca Pública de Riveira a actividade “Contos para a paz” por “A contadora de soños” (Rula e Mónica”. A través do relato e acompañadas pola música ensinaronlle aos rapaces os camiños da paz.
Tanto os nenos como os pais aprenderon que non hai camiños para a paz e que a paz é o camiño. Ao final entre todos fixeron un mural que quedou na parede da Biblioteca.
Acudiron uns quince rapaces e 10 pais (fixo moi bo tempo). E a actividade foi moi celebrada por todos
Os contos e a maxia de Leonor (Leo Leirño) e os seus axudantes para pechar os “venres de conto” na Biblioteca Pública de Pontevedra.
Séguenos