O pasado sábado 21 de setembro pola tarde celebrouse o obradoiro “Con ciencia de muller” na nosa biblioteca. Unha monitora, caracterizada como científica, presentou de forma lúdica algunhas das científicas galegas máis destacadas, dando exemplos dos seus logros nos seus respectivos campos e amosándoas como referentes para as xeracións presentes e futuras, promovendo así a igualdade de oportunidades entre mulleres e homes na área científica e tecnolóxica. Estas presentacións intercaláronse con experimentos sorprendentes, buscando fomentar o interese pola ciencia, especialmente entre as nenas. 

O pasado venres 20 de setembro, chegou á nosa biblio Raquel, de Árbore Azul, que nos aprendeu varias asanas de ioga mentres liamos A árbore da escola, e ata nos regalou uns marcapáxinas con sementes de flores!

O pasado xoves 19 de setembro, pequechas e pequechos de Cambre pasárono de marabilla con Paula, de Trémola Teatro, que nos trouxo Leo e a música, unha nova aventura de Leo. As nais e pais tamén se animaron a bailar na festa final!

O mércores 18 de setembro pasou pola nosa biblioteca Paula Carballeira para introducirnos nos contos de medo de bruxas, sapos e curuxas facendo partícipes as nenas, nenos, pais e nais que asistiron á actividade.

Tarabelos trouxo á cativada de Moaña lendas galegas. Cun espectáculo que mistura narración oral e ilustracións dentro e fóra do teatriño. O público quedou encantado con esta actividade.

O pasado venres día 20, a biblioteca municipal de Oroso encheuse de sapos, bruxas e curuxas gracias a Paula Carballeira.

O venres 20 véspera do Día Internacional da Paz, desfrutamos dun obradoiro de Zentagle.Debuxamos unha pomba da paz coa técnica zentagle.

O día 30 de agosto as crianzas de Vilar de Barrio desfrutaron do espectáculo de Fran Rei: O conto de Barriga Verde.

A partir de tres obras de Manuel María, O conto de Barriga Verde sumerxiunos na poesía, prosa e teatro do autor lucense a quen se lle dedica o Día das Letras 2016.

Nesta sencilla historia un xoven labrego, loitara polo amor da súa moza. Coa axuda da maxia esta historia demostra a frtaleza do amor verdadeiro. “Aquí sigo: ledo, ufano, satisfeito de estar vivo. Mentras o tempo me gasta: paseo, leo e escribo…!”

O luns día 9 de setembro en Vilar de Barrio estivemos disfrutando dos contos do Carballo con botas e da súa Ciclobiblioteca, debaixo dunha árbore e na fonte de libros da plaza do Toural.

#programaleercontamoito

#ruralvivo

O día 9 de agosto puidemos desfrutar da xograresa Alba de Vales, cos seus Contos ao redor da terra e a través dos seus cantos e co seu tamboril, transportounos pola Terra que nos habita recoñecendo seus contos, cantos e experiencias singulares.