Rematadas as clases iniciamos as vacacións cunha actividade onde se mesturan os contos tradicionais con pequenas dramatizacións. O público asistente, grandes e pequenos, pasárono en grande con esta achega á nosa tradición oral dun xeito tan lúdico como atractivo que nos presentou Nerea Brey.
O pasado venres 17 de xuño tivo lugar na biblioteca pública municipal de Caldas de Reis e da man de Olga Abad unha actividade para nenos entre os seis meses e tres anos, “A biblioteca que viaxaba no tempo”.
Para algúns pequenos era a primeira vez que entraban na biblioteca e seguro que para todos foi unha tarde moi divertida!
O venres 10 de xuño a Biblioteca pública municipal “P. M. Martínez Ferro” estivo chea de familias que viñeron á actividade de contos e maxia do Mago Paco. Como é habitual cando nos visita houbo moita participación da rapazada que non quixo perderse esta fantástica proposta que lles fixemos desde a biblioteca municipal e onde a diversión estaba asegurada.
A Biblioteca Pública Municipal de Caldas de Reis “P. M. Martínez Ferro” organizou o pasado venres 4 de outubro a actividade “Contando números, cantando cores” a cargo de Pablo Díaz. O músico coruñés moi coñecido pola xente miuda grazas aos seus traballos discográficos e colaboracións fíxonos reflexionar e por suposto pasalo moi ben cos seus contos e cantos.
Un grupo de nenos e nenas pasárono en grande con Inacio Vilariño de Fantoches Baj. Contos e cancións para enfrontarnos a todo tipo de medos e situacións perigosas.
O luns 15 de xullo o mago Javier Muro trouxo ata a biblioteca municipal de Caldas de Reis o seu espectáculo O neno que quería ser mago, un conto de animación onde o teatro e a maxia fixeron que un grupo de nenos e nenas empezaran a semana cunha chea de sorrisos.
A tarde do venres 15 de xuño foi especial. A biblioteca encheuse de nenos e nenas entre os seis meses e os tres anos para gozar coa sesión de contos teatralizada de Trinketrinke Teatro. Vanessa trouxo un feixe de contos e unha sorpresa, un enorme ovo do que naceu un pito moi especial.
O venres 8 de xuño o Mago Paco trouxo contos e maxia á Biblioteca Pública Municipal “P. M. Martínez Ferro”. Sorpresas e moita diversión en Caldas de Reis, unha proposta pouco convencional para traballar os contos!
DIGITAL CAMERA
O venres 25 de maio un grupo de nenos e nenas elaboraron de forma colectiva un conto que despois houbo que ilustrar… tamén cas fotos dos participantes!. Xa está á vosa disposición na biblioteca!
As mañáns dos sábados 16 e 23 de setembro na Biblioteca Pública Municipal “P. Martínez Ferro” un grupo de nenos e nenas achegáronse da man de Minia Regos “Gargallando” ao mundo da ilustración.
Os rapaces traballaron as súas destrezas artísticas e pasárono en grande entre lápices de cores, personaxes de conto e fantásticas historias. Crearon os seus propios contos que finalmente levaron para os seus fogares.
Foi toda unha experiencia! Repetirémola!
Séguenos