Neste mes de maio no que celebramos as nosas Letras Galegas, Polo Correo do Vento contounos e pintounos un conto para recordar a Manuel María, mentres todos axudábamos dende os nosos asentos.

Tamén leron algúns dos poemas de Manuel María e os rapaces e rapazas tiveron que contestar algunhas preguntas sobre o autor, o río Miño, árbores, animais, etc., de todo o que falaba o poema.

Ó conto leva tamén implícito un alegato ecolóxico que percorre a narración polo que tamén recordáronnos á terra que temos que coidar xuntos.

Día 3 de xuño de 2016 ás 18:30, na biblioteca de Escairón

Para celebrar o Día dos Océanos (8 de xuño), a poucos días de comezar o verán, o bo tempo, a calor e as vacacións, mergullámonos nun mundo de historias!

Presentamos unha nova actividade do catálogo de actividades Ler conta moito:

Mergullámonos?

historias de emocións

da man de Andrea “Dos Piñeiriños”

o 3 de xuño, ás 18:30 na sala infantil

Escoitamos e gozamos cun conxunto de historias que nos convidaron a explorar o mundo das emocións da man de Roberta, que que traslada a vivir nunha nova granxa e comeza a escola nunha nova vila onde non tén aínda amigos.

Identificando sons da natureza, da granxa, e cantandos e bailandos con Roberta para aprender os números, pasóusenos axiña o tempo.

Ó rematar, entregamos os premios do Certame de Narración e Debuxo Infantil Letras Galegas 2016, e nas sucesivas semanas planificamos varios obradoiros para celebrar o Día dos Océanos.

O pasado sábado 21 de maio, Pavís Pavós visitou a Biblioteca Luís Rei para facer unha divertida sesión de contacontos para bebés. Nela houbo tempo para as adiviñas, as cancións tradicionais, xogos e moitos sorrisos… pais, nais e pequenos gozaron dunha estupenda mañá!

O pasado 19 de maio, Sarabela Teatro representou na Biblioteca Municipal de Lugo a súa obra “Nola e María na Terra Chá”.

As dúas protagonistas percorreron os municipios da Terra Chá de Manuel María acompañando a súa viaxe cos versos do poeta.

O día 20 de Maio na Biblioteca Infantil e Xuvenil da Coruña, celebramos o día das Letras Galegas  2016 rodeados de música e maxia nas mans de Martín Camiña e Álvaro Muras, respectivamente. Estes dous artistas fixeron un percorrido pola vida e obra de Manuel María combinando estas dúas disciplinas.

Resultado “máxico” cumplíndose o obxetivo: Homenaxear a Manuel María con motivo das Letras Galegas.

A participación das familias e a implicación do público en xeral foi moi satisfactoria. Sorprendeunos a todos a combinación de literatura, maxia e música.

Para acompañar a festa, dende a Biblioteca elaboramos unha mostra bibliográfica da obra de Manuel María. Quedounos así de bonitiña.

Trinke Trinke sigue de ruta polas axencias de lectura de Cambados, onte tocoulle o turno aos rapaces da ALM de Vilariño que puideron gozar do contacontos de Riciños de Ouro mesturado con música e xogos.

A actividade, que resultou moi divertida, enmárcase dentro da programación adicada ás Letras Galegas neste mes de maio.

Onte, 10 de maio, Trinke Trinke continuou a súa “tournée” por Cambados, e fixo unha paradiña para repostar risas e aplausos no centro cultural de Corvillón.

A súa axencia de lectura puido coñecer a versión ratoniana de Riciños de Ouro que non defraudou a ninguén. Un día máis, continuamos coa celebración do mes das Letras Galegas en Cambados… aí van unhas fotos!

Había ben de tempo que os ratos de Trinke Trinke non se achegaban a Cambados… e o pasado martes iniciaron na ALM de Castrelo un periplo de “contacontos roedores” que visitarán todas as axencias de lectura no mes das Letras Galegas.

Ratisuco Ratoncio veunos falar do seu país “Lonxedetodo”, e  relatounos a súa divertida versión de Riciños de Ouro… houbo tempo tamén para que nos tocara o acordeón, para cantar, xogar con globos de cores  e rir… sobre todo rir!

Ata pronto Ratisuco!

A biblioteca Municipal Luís Rei organizou un “maxical”, ou alomenos así o definiron Alvaro Muras e Martín Camiña… esto é un espectáculo de maxia e música que xirou en torno á figura que este ano é homenaxeada con motivo das Letras Galegas, Manuel María.

Varios coles de Cambados xuntáronse no Auditorio Municipal para, a través desta divertida sesión, coñecer dun xeito diferente a vida e obra deste autor. Mentres Álvaro facía soar co seu baixo unha melodía, en paralelo Martín manipulaba cartas, papeis rotos e recompostos, cordas que se xuntaban… todo cunhas notas de humor e coa participación dos pequenos espectadores.

Un espectáculo a todo ritmo que conseguiu entreter e divertir a case 500 escolares… velaí vai a proba: