O pasado martes 22 de abril, Títeres Cachirulo visitou a ALM de Corvillón, dentro dos actos organizados para celebrar o Día do Libro.

O Concello de Cambados, grazas ao programa da Xunta de Galicia Ler Conta Moito, puido estender dita celebración a todas as parroquias, para dun xeito lúdico, difundir a lectura e os libros. Os nenos e familiares que asistiron, arredor de 30, puideron coñecer a historia de Mowgli e as súas aventuras e desventuras na selva.

Onte tivemos a sorte de recibir a visita de Sarabela Teatro na Biblioteca de Darbo. Deleitáronnos cunha sesión de contos moi entretida, na que houbo moito humor e incluso algunha que outra canción. Rapunzel e Gretel estiveron do máis divertidas, en todo momento captaron a atención dos rapaces asistentes logrando a súa participación. Ó final da actuación ensináronnos un bonito libro cunhas ilustracións despregables de contos cásicos fantásticas que gustaron moito ós mais cativos.

Unha vez máis este martes 22 de abril contamos cos ratos de “Lonxedetodo”…

Cantamos…

bailamos…

escoitamos atentamente…

colaboramos…

atendemos…

e lemos… unha tarde xenial!!!

O sábado 12 de abril ás 12:00 tivemos unha sesión de maxia da que puidemos disfrutar tódolos asistentes.

Nenos e maiores pasaron unha hora moi amena. A señora empatiza moito cos asistentes, involucra aos nenos na actividade, e a pesar que tiñamos asistentes de tódalas idades, a actividade foi un éxito rotundo. Recoméndamola.

O pasado 21 de abril, as bibliotecas e axencias de lectura de Cambados iniciamos a celebración do Día do Libro, que este ano quixemos estender a toda a semana, grazas ao Programa Ler Conta Moito. Para iso contamos coa axuda dos Títeres Cachirulo. Así pois, a primeira en homenaxear aos libros e a lectura foi a Axencia de Lectura da parroquia de Castrelo. Como o luns foi día non lectivo gozaron da sesión de títeres pola mañá… e vaia se gozaron! grazas as aventuras que descubriron co “Libro da Selva”.

Asistiron entre nenos e pais unhas vinte persoas, que ademais ao rematar a mostra puideron xogar coas personaxes da historia. Ao rematar, todos levaron a dirección da páxina web da compañía para poder descargar os xogos e actividades relacionadas co conto.

O pasado 18 de abril desfrutamos na Mediateca do Grilo (Teo) dunha sesión de contacontos dirixido a nenos e nenas entre 5 e 11 anos a cargo de Marta Ríos, de Talía Teatro.

Din que cada persoa é un mundo, pero Samba, a nosa protagonista, garda varios mundos dentro dela. Din que a Terra tamén é un mundo, pero se nela viven milleiros e milleiros de persoas, en realidade a Terra son milleiros de mundos diferentes. De entre todos eses mundos, Samba vai escoller uns poucos para contarnos as súas historias. Son, polo tanto, mundos contados, mundos que existen desde hai moito tempo. Algúns permanecen, outros non. O que si conservamos son os seus contos. Xa se sabe, mentres hai memoria, hai esperanza.

o día 22 de abril a biblioteca de Lourenzá celebrou o dia do libro cun contacontos a cargo de Raquel Queizás baixo o título a ” a maleta da avoa”, onde os máis pequenos desfrutaron cos contos.

Unha tarde do máis entretida na Biblioteca de Coiro (ALM de Coiro).Pudemos desfrutar de Merenda con pan de millo da man do grupo de Teatro Migallas.

Pequenas historias acompañaron a un repertorio musical divertido onde os maís pequenos e non tan pequenos aproveitaron a ocasión para compartir con nós esa estupenda escolma de cancións populares.

Soledad Felloza  levounos da man da palabra e a oralidade a un mundo imaxinario que, no seu tempo, existiu no territorio da vella Gallaecia da Idade do Ferro.

Dise que as grandes festas se coñecen polas súas vésperas, a actuación de Soledad Felloza foi a mellor véspera posible para unha gran festa como a de mañá.

Actividade realizada para nenos entre 6 e 12 anos levada a cabo na biblioteca pública municipal na que os nenos aprenderon a facer monicreques con cartolinas de cores, inventando distintas caras e conseguindo coa súa  imaxinación grande variedade de marionetas que puideron levar para a súa casa.