O día 8 de outubro, durante case unha hora, Pinga Teatro engaiolou ás crianzas de 4 a 11 anos. Ao principio con contos de bruxas e apócemas, crocodilos namorados e a paticipación tanto do público infantil como adulto. Con guitarras incribles e cancións divertidas tivemos unha variada sesión de contacontos.
Babaluva Teatro achegouse o día 8 de outubro ata a Biblioteca Municipal de Monforte para traerlles froitas e verduras ós rapaces e rapazas, e amosarlles a cantidade de cousas que se poden facer con elas .
Descubriron as posibilidades artísticas de leitugas, repolos, castañas…..e cada un sacou o artista que leva dentro.
Pasáronno moi ben e quedaron con ganas de repetir o ano que vén.
O martes 7 de outubro veu a nosa biblioteca Olga Abad de Intres, que nos trouxo moitas historias interesantes sobre ratos, ratiñas e gatos. Contounos a historia do rato César que soñaba cos trens, a rata Lavandeira que lavaba a roupa de todos os ratiños do pobo e da gata Renata que non medraba… divertidas historias ilustradas con sombras chinesas e monicreques.
O día 7 de outubro tivo lugar este obradoiro de 100 minutos de duración dirixido á infancia de 4 a 11 anos. coa intervención de dous integrantes de Maumarela.
Constou de dúas fases, na primeira fíxose a proxección de imaxes do proceso de fosilización dos dinosauros, acompañadas de explicacións axeitadas ao tramo de idade dos participantes, na segunda as crianzas fixeron cadanseu fósil para levar á casa. Utilizouse plastilina, xeso, area e auga, así como figuras de dinosauros que entusiasmaron á rapazada.
Unha actividade realmente interesante e moi ilustrativa.
“Contos que deixan pegada” na Biblioteca P.M.”Manuel María” de Oleiros con Pavís Pavós
Onte, martes 7 de outubro tivemos na Biblioteca P.M. “Manuel María” de Oleiros unha sesión de contos orientada a transmitir
valores, sen caer no didactismo e afastándose de moralismos. Contos narrados con maestría e que tratan das diferenzas na sociedade, a homofobia, o racismo, o machismo, as desigualdades.
O pasado xoves día 2 de outubro visitou a nosa biblioteca Lisístrata.
Nunha sala infantil chea de rapazada de 4 a 10 anos e algún pai ou nai que se nos colou nesta festa do conto infantil, Lisístrata aproximounos a contos sobre a igualdade. Foi un ratiño moi agradable no que a contadora de historias fixo que os asistentes desfrutasen e, de paso, adquirisen valores de respeto e convivencia.
Alongouse a preto dunha hora, pero polo entusiasmo demostrado pola rapazada foi moi divertido.
Palma Repalma fixo as delicias dos máis pequenos e pequenas da casa. Unha veitena de aisitentes entre nais-pais e nenas e nenos disfrutaron de cantos, arrullos, contos para recuperar a nosa tradición oral.
Unha sesión moi dulce e suave con moita participación do público infantil e adulto que prestaron toda a súa atención.
O mércores 1 de outubro, ás 18:50 h, Santi Prego trouxo á Biblioteca de O Froxel “Franciso A. Vidal” de Arteixo, moitos e divertidos contos e cantos acompañado polos seus monecos, facendo participar activamente ós nenos que viaxaron coa imaxinación a mundos fantásticos.
Os rapaces da man de Soledad Felloza disfrutaron mergullándose en 3 historias cheas de valores para os máis pequenos. Tanto os pais como os cativos pasaron un bo rato.
O venres 3 de outubro, as rapazas e rapaces que estaban na Biblioteca Ánxel Fole de San Pedro de Nós viaxaron arredor do mundo da man de Raquel Queizás.
Lendas sobre as estreas do ceo, a orixe da pel raiada dos tigres ou a forma dos coellos transportaron a todo o público asistente ao continente africano, asiático e americano.
Bonitas historias cargadas de culturas de outros mundos, sen esquecer a simpatía e o humor, foi o que trouxo Raquel Queizás, co seu espectáculo “A Orixe”, a este rinconciño do noso planeta chamado San Pedro de Nós.
Séguenos