Os nenos e nenas de Xermade desfrutaron e aprenderon coa titiriteira Mirari Urruzola, e con este obradoiro onde elaboraron suculentos personaxes orixinais a partir de froitas, verduras e froitos secos.

O sábado 11 de abril puidemos disfrutar en Chantada da actuación de Raquel Galavís coa sesión de contacontos titulada Cantacontos, na que cantou e contou catro contos acompañados de música. A actividade foi moi animada, xa que involucrou aos asistentes en todo momento.

.

O día 16 de abril recibimos en Covelo a Fátima Fernández que nos deleitou con dúas sesións de contacontos. A primeira foi para os máis cativos, nenos de 3 a 5 anos e a segunda para os nenos de 6 a 8 anos. Pasaron un rato moi bo e disfrutaron coa narración dos contos de Fátima.

Biblioteca P.M. Covelo

O Luns 13 de abril ás 18:30 actuación de cuncarandainas con contos de peto na Axencia de Lectura de Meaño. Contos entretidos que fixeron as ledicias dos máis cativos e tamén dos seus pais.

Os contos tiñan como persoaxes animais e tamén e persoas e unha moralexa para aprendizaxe dos mais cativo.

O pasado 9 de abril os rapaces e rapazas das Pontes eleboraron o seu propio animal fantástico da man das ideas e consellos de Crearte Servizos Culturais.

Celebramos así, aínda que algo atrasados o día la Literatura Infantil e Xuvenil.

Pasámolo moi ben e o resultado foron auténticas obras de arte.

O pasado 9 de abril, a compañía Tarabelos visitounos e contounos a divertida historia do rei e do seu traxe “especial”.

Un espectáculo de títeres moi divertido e participativo, co que desfrutaron tanto os nenos coma os adultos.

Xa estamos esperando a próxima actividade…

Seguindo coa celebración do mes do libro o pasado venres día 10 de abril contamos na Sala de Lectura de BiblioPazos coa presenza de Alba Bermúdez de Triatreros Grupo Teatro que nos deleitou a todos cos seus contos e historias relacionadas cos alimentos.

Alba mergullounos nun mundo de fantasía no que os animais, a verdura, a froita e as legumes foron as protagonistas.

Durante case unha hora os nenos e nenas do 1º ciclo de Primaria do CPI “Curros Enríquez” de Pazos pasaron un estupendo rato e coñeceron os inconvintes relacionados cos alimentos.

De seguido unha proba do ben que o pasamos con Alba.

O pasado día 8 de abril para celebrar en BiblioPazos tivemos con nos a Avelino González cos seus “Contos literarios”.

Unha hora e cuarto de diversión, risas, humor e historias que fixeron participar ao público moi activamente.

Os alumnos de 3º e 4º da ESO do CPI “Curros Enríquez” de Pazos, profesores e uns pouquiños veciños son a proba do ben que o pasamos con Avelino.

Para conmemorar o día do libro infantil e xuvenil a biblioteca levou a cabo unha representación teatral coa participación dos nenos mediante a fabricación dos monicreques por eles mesmos. Coa colaboración da asociación cultural morreu o demo.

A sala de lectura da Biblioteca Municipal acolleu o venres 10 de abril, de 11.15 a 14.00 horas, un taller creativo titulado “A ciencia é divertida”, que foi impartido por Ana Romero Porto “Nita”. Participaron corenta alumnos e alumnas do C.P.I. con idades comprendidas entre os 3 e os 5 anos. Da man da contadora Nita os rapaces escoitaron contos e mais practicaron con experimentos.