O luns 4 de abril tivo lugar “A música das árbores” a cargo de Bardo Abelardo na Axencia de Lectura Municipal de Ribadetea (Ponteareas). Unha actividade adicada aos nenos de 3 a 12 anos. Decir tamén que ós nenos gustoulles moito.

“Graciano Zoqueiro, trasniño e gaiteiro, descubriu que as árbores facian música. Cando o vento move as polas nace unha sinfonía, unha orquestación. Cando a chuvia cae nas follas soa un violin, unha gaita, unha zanfona, cada vez que unha treboada fai danzar os freixos ármase un espectáculo de ballet.”

Para celebrar o Día Internacional do Libro Infantil e Xuvenil, onte, mércores 6 de abril, de 11:00 a 13:30 horas da mañá, tivemos en BiblioPazos a Olga Abad Prieto co obradoiro de Sombras Chinescas “As nosas historias”, no que se buscou fomentar a creatividade dos nenos, a escoita, e dar a coñecer ás novas xeracións a narración oral galega máis antiga.

Os rapaces que asistiron a este obradoiro foron os alumnos de 1º e 2º de Primaria do CPI “Curros Enríquez” de Pazos de Borbén gozaron coa actividade realizaron os debuxos das personaxes en cartolina e recortáronos posteriormente pegándolle un pau para despois representar o conto de “O galo Quirico” mediante a técnica de sombras chinescas, mentres un compañeiro ía narrando o mesmo.

Velaquí unhas imaxes.

As ALM de Cambados decláranse fans de Pablísimo e as súas sesións de contacontos sempre tan orixinais e creativas!

O pasado martes iniciou o seu periplo por Cambados, na ALM de Castrelo, onde os pequenos, e non tan pequenos, puideron gozar das divertidas historias que saen das súas… Mans!

Máis de 70 persoas achegáronse a pasar un rato agradable e a seguir celebrando que abril é o mes dos libros.

Velaí van algunhas fotos…

O pasado 2 de abril a Biblioteca Enrique Rivera Rouco celebrou o día internacional da literatura infantil e xuvenil xunto a Paco Nogueiras. O músico contounos e cantounos os temas do seu libro-disco Brinca vai! Foi moi numeroso o números de rapaces e rapazas de As Pontes que bailaron e cantaron ao son do Brinca vai! Unha maneira estupenda de celebrar un día tan sinalado.

Ante máis de 100 persoas entre nenos e nenas e pais e nais, o Mago Chrystian Magic presentou o seu espectáculo Don Quijote. Foi un espectáculo cheo de sorpresas no que os nenos botaron unhas boas gargalladas, sorprendéronse e pasaron unha tarde de martes moi agradable. No marco das historias de Don Quijote, Chrystian foi desenvolvendo unha serie de trucos que fixeron as delicias de todos os asistentes.

E moi difícil captar a atención dos pequerrechiños e consigueno en todo momento, combinando os contos ca música e os bonecos, misturando voces con expesións corporais que os deixa pasmados, abren os ollos coma pratos atrapados nese mundo de fantasía…….

Con unha excelente adaptación do conto Rato Tom e Rata Tomasa e unha mellor interpretación, o grupo Teatro Calvera fixo que os nenos e os pais que os acompañaron pasaran una maña moi divertida en compañía dos contos.

Rematamos a xornada con un  final moi doce : Un obradoiro de pasta de azucre .

Actividade levada a cabo por PAVÍS PAVÓS, basada na nosa tradición oral.

Comezan interactuando individualmente con cada neno/a cun xogo de palmas para, a continuación, dirixirse a todos os asistentes.

Un conto a tamaño xigante: A casa de Xan, realizado artesanalmente, contado entre dúas persoas, Tareixa e Xacobe, envolve de expectación. Texto acumulativo que da pé á participación.

Arrolos, cantos e ladaíñas… Nun ambiente participativo entre adultos e pequenos, sempre pensando en que todo se poida continuar nas familias

Unha moi boa actividade para o úblico ao que vai dirixida, de 0 a 3 anos.

Boa oportunidade para fomentar o fondo de música infantil da Biblioteca.

O sábado, 2 de abril, estivo na Biblioteca de Muxía Xurxo Souto, co seu espectáculo “Océano para terrícolas”, baseado no seu libro Contos do mar de Irlanda. Esta actuación estaba integrada dentro das actuacións de Ler Conta Moito, da Rede de Bibliotecas de Galicia.

A actuación conxugou a narración de anécdotas relacionadas co mar, coa música- que conseguiu implicar a todo o público asistente. Ademais Xurxo homenaxeou ao mariñeiro muxián Belarmino Trillo- que aparece no libro- que estivo presente no acto, e participou da narración de historias do mar.

Estivo tamén presente Pazos de Merexo, que ao remate do acto ofreceu unas pezas co seu acordeón diatónico.

Asistiron unas 25 persoas, e a actuación foi todo un éxito e un disfrute para o público. Xurxo Souto conseguiu crear, coma sempre, un ambiente festivo co que celebrou a nosa cultura de pobo mariñeiro.

Recomendamos a actuación , é para non perder.

Para conmemorar o Día do Libro Infantil e Xuvenil, recibimos na Biblioteca Municipal do Grilo-Cacheiras (Teo) a Fuco, o ratonciño de Páxina oficial de Trinketrinke que non solo veu contarnos o conto de Riciños de Ouro, tamén falounos do seu fogar, das prantas que alí podes ver e cantar e xogar con nós. Unha auténtica delicia na que maiores e pequenos desfrutaron e participaron con este simpático roedor. E aínda deixounos de agasallo tres osiños feitos con globos… Non se pode pedir mais para celebrar este día.