Atenea García de Xarope Tulú achegou ata a Axencia de Lectura Municipal de Areas para celebrar o Día do Libro. Apostou por difundir as historias e contos que nos transmitiron os nosos avós, os quen na época da fame, agudizaron o seu inxenuo e imaxinación, porque, como se di “A falta de pan, bos son os contos”.
“…Hainos delicadiños para comer. Hainos que comen os bens dun cura. Pero como ben din os que saben; o comer e o rañar todo o malo é empezar. Abride ben as bocas que aló vai a primeira bocada…”
Unha actividade moi divertida na que os asistentes escoitaron atentamente os contos que lles contou, axudaban nas cancións propostas cantando animadamente e interectuaban abertamente coa contacontos.

En definitiva unha fermosa actividade para celebrar o mes dos libros.

A Biblioteca Pública Municipal de Foz celebrando o Día do Libro

Tivemos a actuación de A Xanela do Maxin co obradoiro “A obra de Castelao en sombras chinesas”. Acudiron os 22 alumnos que compoñen o clube de lectura do IES de Foz. Estupenda maneira de achegarse a obra gráfica de Castelao.

Unha morea de nenos e nenas de Infantil e Primaria, e mesmo algúns do Punto de Atención á Infancia cercano, asistiron cos seus pais, nais ou avós á actividade de animación á lectura A FALTA DE PAN, BOS SON CONTOS. Unha actividade moi divertida na que os asistentes escoitaron atentamente os contos que se lles contaban, axudaban nas cancións propostas cantando animadamente e interactuaban abertamente coa contacontos. En definitiva unha fermosa actividade para celebrar o mes dos libros.

O día do libro tivemos na Biblioteca Pública Municipal de Trazo un obradoiro no que tod@s @s participantes acabaron converténdose en ilustradores de contos.

O día 25 de abril dentro da programación da celebración do día do libro os nenos de Oroso disfrutaron do obradoiro “Coas mans na masa” de OQO.

Día do Libro na Biblioteca Pública da Coruña Miguel González Garcés co Espectáculo de Migallas “Camiño de Historias” . Historias tradicionais, historias de rapaces consentidos polos país, historias de rapaces pedichóns, historias do ciclo da vida e da importancia da música e da festa. Historias co fin de difundir a literatura popular infantil de Galicia. 76 nenos e nenas estiveron   ansiosos, entusiasmados e felices de participar do espectáculo familiar de Migallas Teatro.

O pasado venres 22 de abril para celebrar o día internacional do libro, visitou a Biblioteca Municipal de As Neves, Magín Blanco, facendo disfrutar ao alumnado infantil das escolas unitarias coa súa actuación ” Libros-Encantados“

O pasado venres día 22 de abril, tivo lugar a actuación do Cociñeiro Antón e a pasteleira Tomasa na Biblioteca Municipal de Abegondo. O público asistente estivo moi entretido coa historia de amor do cociñeiro e a pasteleira e para rematar cada neno e nena puido elaborar o seu propio doce con fondant. Tanto nenos como adultos pasaron unha tarde moi divertida.

O pasado 22 de abril, para conmemorar o día do libro, tivemos na ALM de Domaio a Juste Kamishibai, Papel e Teatro coas “Historias do Kamishibai”.

A actividade foi moi concurrida e participativa. Nenas, nenos e maiores divertímonos coa narración das lendas dos diferentes continentes e coas historias que nos alentan a valorar a natureza e o coidado do planeta.

Mergullámonos? a cargo da compañía “Andrea” é  un conxunto de historias que convida a explorar o mundo das emocións e onde os nenos e nenas asistentes disfrutaron participando nas historias que Andrea lles contou.