Na BPM de Silleda levouse a cabo unha representación na que se combinou a música coas ilusións máxicas, con referencias á maxia presente na obra de Manuel María, autor ó que se lle adicou este ano o día das letras galegas.

Logrouse así captar a atención dos máis pequenos, facendo divertida unha materia tan atractiva como é a maxia, poñendo a proba a agudeza, a observación e a expresión tanto oral como corporal.

A Titiricleta chegou a Biblioplaza de Monte Alto! E veu cargadiña de contos e historias de todo o mundo. Anxo sorprendeunos coa súa chegada á Biblioplaza, un evento que a biblioteca Monte Alto celebra cada mes de xuño saíndo a rúa, na procura dos veciños máis despistados, os que aínda non saben a marabillosa biblioteca que teñen no terceiro andar do centro cívico. E con Anxo e os seus monicreques gozamos do auténtico poder da narración oral, do poder das verbas e da voz, frente ao auxe do visual e as novas tecnoloxías.

Se queredes coñecer o fermoso proxecto para construir un mundo mellor no que colabora esta divertida titiricleta, visitade o seu blog CONTOS SOLIDARIOS.

Pequenos e maiores desfrutaron dunha tarde máxica coa actuación, o 22 de xuño, da narradora Raquel Queizás co seu espectáculo “A orixe”.

Nesta sesión de contos Raquel fixo un percorrido polo mundo, achegando historias, mitos e lendas procedentes de culturas milenarias. Contounos historias da China, do Perú e moitas fábulas de animais, pouco coñecidas na nosa terra.

Este venres, 17 de xuño de 2016, coincidindo coa finalización das clases trasladamos a nosa biblioteca ambulante á Escola de Educación Infantil de Lañas (A Baña) para continuar coa campaña de animación á lectura con nenos e nenas.

Co BRINCA VAI! de aquí e dacolá de Paco Nogueiras lemos, vimos e escoitamos a variedade de instrumentos que nos poden acompañar para facer unha canción de cada celebración do ano. Pasamos medo no Samaín, disfrazámonos no Entroido, visitounos o Apalpador… un mundo cheo de animación combinado en diferentes cancións que case sabían cantar e bailar todos os pequenos e pequenas que acudiron á escola de Lañas. Traballouse co audio libro previamente e sacouselle moito partido a esta actividade. Os nenos e as nenas da Baña xa saben o que é ter os pés na terra para medrar cheos de ganas de brincar e de cultura.

Ata outra brincador@s!!!

Onde día 22 celebrouse o fin de actividades do centro sociocultural de Bóveda cunha festa que tivo un broche de ouro: “Bibliocanta”  a cargo de Rocío Couto Rendo. Na actividade musical pequen@s e maiores bailaron, cantaron, recitaron e xogaron co cancioneiro tradicional.

Hoxe día 22 de xuño a compañía Ni Fu Ni Fa Animación co seu espectáculo Ler nos Beizos (LIPDUB) actuou na ALM de Sobrado

Para dar a benvida ao verán, contamos coa presenza de Manuel Solla nas nosas bibliotecas, o luns 20 en Bertamiráns e o martes 21, no Milladoiro. Pasamos un rato moi agradable facendo maxia e escoitando e representando contos. Participamos todos e ata xogamos cun rato!

Para conmemorar o Día da Música, Pablo Díaz achegou os máis pequenos o seu espectáculo de Cantacontos para bebés, no que mesturando os contos e a música conseguiu que tanto nenos como grandes pasasen unha tarde estupenda na Mediateca do Grilo

O pasado venres 17 de xuño celebramos nas instalacións de Fundación Ferama a entrega de diplomas dos cursos realizados durante este ano e o fallo do concurso “Bo Lector 2016”, durante esta xornada de encontro recibimos unha sorpresa que encheu de maxia a Axencia de Lectura desta mesma entidade co Mago Paco e o seu espectáculo “Divermaxia”.

A.L. Fundación Ferama

Historias cheas de maxia, empregando sempre como medio “o libro” e debuxando un sorriso permanente nos máis cativos e nos máis maiores que se achegaron a disfrutar desta gran festa que supuxo pasar unha tarde co Mago Paco.

A.L. Fundación Ferama

Con “Divermaxia” damos por pechado os actos do programa de “Ler Conta Moito” de dinamización da lectura promovido pola Secretaría Xeral de Cultura da Xunta de Galicia a través da Rede de Bibliotecas de Galicia en colaboración coas bibliotecas e axencias pertencentes.

Cando chega o verán, a biblioteca Monte Alto sae a rúa para achegar a lectura e a biblioteca aos veciños do barrio. E unha boa forma de darnos a coñecer é facendo actividades de calidade para todos os públicos. Nesta ocasión, convidamos ao Mago Paco a acompañarnos o pasado 8 de xuño. Durante toda a hora tivo ao público pendente das dúas verbas; fíxonos sorrir, usando os contos e as historias como fío condutor dos seus xogos e trucos de maxia. Unha tarde inesquecible. Grazas, Mago Paco!