Onte celebramos en Monterroso o día da biblioteca. Tivemos a Fátima Fernández cos seus contos Pop- Up. Pasámolo moi ben coas súas cancións e os seus libros.

Hoxe, no Día Internacional da Biblioteca, fixemos unha festa. Maria Faltri visitóunos coa súa bibliodiscoteca itinerante cargada cunha boa lista de reproducción de música en galego, una selección dos mellores temas que se publican cada ano. Foi unha gran festa, na cal nos divertimos, cantamos, nos disfrazamos e bailamos. Perrucas, instrumentos, pompóns, e sobre todo moita empatía.

Grazas a tod@s por acompañarnos neste día tan especial e tamén dar as grazas a María Faltri por facernos cantar, bailar e rir coa súa bibliodiscoteca, actividade de animación á lectura que aparece no programa de actividades  Ler conta moito.

O 24 de outubro para celebrar o” Día das Bibliotecas”, o Mago Deimi visitou a Axencia de Lectura da Capela e tanto nen@s como maiores, disfrutaron e interactuaron cos seus números de maxia nos que os protagonistas eran os libros .

No día de hoxe, tivemos a Celtia Figueiras con “GALE, A HISTORIA DA LINGUA GALEGA” , para pechar a semana de actividades arredor do “DÍA DA BIBLIOTECA”. Celtia fixo con “GALE” un percorrido pola historia da lingua galega segundo o libro de Pepe Carreiro. Todo esto con teatro, sombras e monicreques. Viñeron a actividade 63 alumnos dos cursos de 4°, 5° e 6° de primaria do C. E. I. P. Manuel Respino, que compañados polas suas mestras estiveron moi atentos a toda a función.

Música, danza e teatro encheron a biblioteca de Oseiro este pasado luns 22 de outubro.

Onte celebramos o “Día da Biblioteca” con nenos de 3 a 10 anos. Un espectáculo de “Maxia e contos” a cargo de Manuel Solla, onde combinou a narración do conto a
“Princesa dos labios de fresa” con divertidos trucos de maxia que fixeron as delicias dos numerosos asistentes a este acto.

.

Este martes estivo  cos nenos de  4º de primaria “D. Luís Seoane” da man de  Crearte Servizos Culturais. O desenvolvemento da actividade permitiu achegar os nenos a figura de Luís Seoane e maís concretamente a súa obra. As diferentes artes estiveron conectadas nesta presentación.

Onte celebramos o “Día da Biblioteca” cos bebés de 0 a 3 anos. Recibimos a visita de A banda de Cornelia que nos trouxo un concerto cheo de música e contos cos que cantamos, bailamos…

As familias pasaron unha tarde moi divertida!!!

O día 24 de Outubro, “Día da Biblioteca”, os alumnos de segundo e terceiro ciclo do C.E.I.P. de San Ramón de Moeche, xunto cos seus Mestres, acudiron á chamada da Biblioteca Pública Municipal e alí, asombrados, comprobaron por sí mesmos como a maxia que aparece en películas e espectáculos non é tal, senon puras propiedades da materia e a enerxía.

A ciencia como explicación a fenómenos misterios capturou a atención de rapaces e adultos que saíron encantados e un pouco máis sabios.