As coidadoras dun zoo contáronnos dúas historias. Por unha parte, no conto de Ernesto e Clementina atopámonos cos atrancos de Clementina para facer realidade os seus soños, pola outra, Roi e Silo, dous pingüíns macho, queren ser pais. O resto das parellas forman familias, eles non saben como facelo… e ao final, conségueno. Ademáis faláronnos de mulleres que abriron portas en diferentes campos.
Os nenos e nenas do Colexio Mato Vizoso, visitaron hoxe a Biblioteca Municipal de Vilalba e disfrutaron con os contos e as cantigas de Caxoto
Tarde de diversión con Ghazafelhos e a súa máquina do tempo que nos teletransportou por varias etepas da evolución do ser humano. Actividade entretida, instructiva e moi participativa, chea de risas e anecdotas.
Este xoves días 26 tivemos na biblioteca a visita de Sarabela Teatro, que nos deleitaron co seu espectáculo “Isto non é unha caixa!”.
Unha mestura de música, relato e mimo para descubrir todo o que se pode facer cunha simple caixa.
Un gran exemplo de que a imaxinación é o mellor dos entretementos!
Unha tarde máis, a biblioteca de Celanova foi o escenario perfecto para que os cativos da vila disfruten dunha actividade lúdica pero chea de compromiso pola igualdade. Aprenden eles e tamén disfrutan seus pais.
Onte o alumnado de 1º curso de primaria achegouse á biblioteca para escoitar a Antía Yáñez, quen a través do seu libro “A Reconquista”, achegou aos existentes á igualdade entre nenos e nenas, especialmente en torno aos seus xogos do patio do colexio. Os asistentes participaron dialogando coa autora e cun xogo de pelota dos que se realizan nos recreos.
O xoves 26 de setembro ás 12 horas Leo e Cris chegaron ao salón de actos da Biblioteca Municipal para facer as ledicias de nenos e nenas de catro e cinco anos. Foron 60 minutos de maxia, música e chistes que os máis pequenos disfrutaron participando de todo. Leo fai que maxia e conecta co público dunha maneira increíble.
Acadar que 140 pequenos estean atentos non é doado. Esperámolas o ano que vén.
Nenos do CEIP Plurilingüe de Ribadavia de 6-8 anos asistiron a unha sesión de contacontos teatralizado e obradoiro posterior titulado “A cabaza encantada” de Teatro Calavera. O cociñeiro Antón e a pasteleira Tomasa fixeron as delicias dos nenos primeiros pasandoo en grande no contacontos e logo elaborando unha araña e un morcego de pastelería. Este contacontos está enmarcado no programa de Igualdade e Loita contra a Violencia de Xénero nas bibliotecas. Finalizamos a sesión participando no proxecto de Rodando a pelota pola igualdade e a diversidade iniciada pola escola unitaria de Ombre
Estas son as fotos:
Anxo Fariña contou ós nenos e nenas da Biblioteca Municipal de Lugo, a súa historia “Dulcinea, a nena cabaleira”
É todo un luxo poder escoitar un conto narrado polo seu propio autor e ilustrador!
Agotáronse as prazas para ver a obra Qué animaliño é? de Trémola Teatro. Nenas e nenos, nais e pais participaron en todo momento das cancións acompañadas de xilófono, ukelele e maracas. Seguiron moi ben o ritmo para reclamar a presenza de Paxaro, Peixe e Gato. E bailaron no medio de pompas de xabón. Xa agardan un novo espectáculo das tremoleiras.
Séguenos