O venres 16 de outubro ás 17:30h. na BPM de Sober  tivemos a última das actividades programadas no ciclo Ler conta moito. Estivo en Sober a compañía Aldaolado, có seu espectáculo “Pó e Xía”.
Esta é unha actividade de dinamización con música, teatro e danza, dirixida a nenas e nenos a partir de 6 anos , onde as protagonistas ( unhas nenas moi “trastas” ) narran as aventuras que teñen no seu cole e que as leva ata a biblioteca onde comezan a apreciar a poesía , o que fará delas unhas grandes lectoras.

Aldaolado realiza unha mestura de poesía con humor e música. Espectáculo moi entretido que capta a atención dos nenos e as nenas dende o primeiro momento.

Onte puidemos gozar en Santa Marta, dun obradoiro esencial para todas aquelas persoas que teñan ganas de mancharse as mans creando textos, porque é tan importante que contamos como o xeito en que o facemos, diso vai este obradoiro , de aprender dende a práctica, traballando con estímulos creativos variados, mesturando ingredientes para crear historias redondas.

O xoves 15 de Outubro tivemos na biblioteca de Darbo a visita de Raquel Galavís coa súa obra “O Principiño en Madagascar”.

Coñecemos a historia de Toni, un escalador que viaxou a Madagascar na procura dun exemplar do Principiño en lingua

Malgache e aprendemos moito sobre a vida en Madagascar, pero sobre todo descubrimos cómo atopar ao Principiño que está en cada un de nos.

Máis maxia na nosa biblioteca, neste caso da man do Maco Paco.

O xoves 15 de outubro os rapaces de Polo correo do vento visitaron a biblioteca Enrique Rivera Rouco nas Pontes. Aprendimos con eles moitas cousas sobre Ricardo Carvalho Calero e puidemos desfrutar dos seus debuxos. Os nenos e nenas tamén fixeron a súa propia caricatura do escritor que levaron para casa. Saíron moi ben.

O luns 5 de outubro Pakolas visitou a Biblioteca de Frades con un espectáculo no que as protagonistas das cancións e contos son elas, nenas e mulleres. Figuras femininas que nos dan a coñecer historias de superación de xeito divertido e con ritmo de Rock. Unha actuación que promove a igualdade de xénero e lles amosa os nenos e nenas a importancia da mesma. A actividade foi todo un éxito, que fixo bailar e desfrutar a todo o público.

Este xoves, 15 de outubro, estiveron connosco Ian & Elisa. O seu espectáculo “Historias fabulosas, dous magos e outras cousas: maxia” resultou un éxito facendo que os participantes gozaran dunha tarde entretida e chea de emocións, a interacción entre profesionais e público fixo que a duración da actividade lles soupese a pouco a estes últimos. Esta actividade reune maxia e sombras chinescas usando contos e fábulas como fío conductor.

Pedrina na montaña é un relato impregnado de valores como o amor pola natureza, o respecto aos maiores e a importancia da familia. Soraya Lema usa  variados recursos visuais e auditivos para transmitilos (música, sons, ilustracións,  esculturas, disfraces..) de xeito que a trama nunca perde interese.

O xoves 15 de outubro Tropa de Trapo visitou a biblioteca municipal de Monforte de Lemos e dende as seis ata as sete do serán contoulles contos aos nenas e nenos que acodiron a velos e escoitalos. Non é a primeira vez que nos visitan, e coma en veces anteriores engaiolaron ao público que participou nos seus  contos nos que as protagonistas non son princesas nin heroínas ao uso, senon cociñeiras, leiteiras e elefantas , personaxes que loitan polos seus dereitos e os  de os demais.

Esperamos que volvan en anos sucesivos e velos e disfrutalos de novo.

O martes 6 de outubro, chegou a Biblioteca de O Froxel, CELTIA FIGUEIRAS con “OBRADOIRO DE IMAXINAR TAMEN CONTA”.

A actividade consistiu en ensinar aos nenos, a posibilidade que teñen de imaxinar e ser protagonistas das historias que se contan, baseada neste  obradoiro nos libros sobre monstros.

A actividade foi un éxito polo interese e a participación dos nenos