O rato Paco, Lúa, Violín, Piñeiro,… foron algúns dos contos que nos contou e cantou onte Pablo Díaz Carro no auditorio de Baio, en Zas. Acompañado das súas frautas máxicas e da súa guitarra fíxonos pasar un anaco moi entretido no cantamos e bailamos sen parar. “Cantacontos para bebés” era o título deste espectáculo que fixo que pasaramos unha tarde espectacular !

Cunha grande participación das nenas e nenos asistentes, xunto coas súas familias, o espectáculo Circo na Casa tivo moi boa acollida na súa actuación o xoves 30 de setembro pola tarde. Risas, palmadas, malabarismos para a tarde do xoves e cunha mensaxe clara de igualdade de xénero.

Este mércores 29 de setembro, desde a Biblioteca Central Municipal de Cambre, viaxamos da man de Marta Ortiz a un máxico taller de costura para escoitarmos os vellos contos, coplas e cancións das mulleres que traballan nel.

Con fío, agulla e dedal enfíame un conto xa!

A bandoleira máis temida da contorna, Pepa a Loba, chega á biblioteca de Aldán buscando refuxio. Máis tamén ven chea de contos e fantásticas aventuras.

Grazas a Cristina Collazo e ao seu alter ego, cativos e maiores pasamos unha tarde moi divertida.

O mércores 29 de setembro visitounos Raquel Queizás e trouxonos unha morea de contos nos que se desmontaban os estereotipos que nos chegan a limitar e crear frustración. Mañá moi divertida e instructiva.

En días pasados Paula Carballeira visitou a bilbioteca municipal de Tui

Prometemos non contar nada do que a autora Paula Carballeira nos contou onte sobre as bruxas mais puidemos sacar fotos que demostran o ben que o pasamos.

Mirámonos, miradevos…mirade para o que senta ao voso lado…. todos somos iguais pero moi diferentes, estas e outras preguntas son as que se fai Noa diante do espello, ese espello que tanto lle gusta a Noa e tamén a todos os nenos e nenas da sala.

Sabela explicounos a todas e todos que é moi  importante que cada un teña a súa propia identidade.

Non debemos enfadarnos se os nosos amigos e amigas teñen aficións distintas das nosas ou lles gustan cousas moi diferentes ao que nos gusta a cada un de nós.

Unha moi boa posta en escea, mediante un xogo teatralizado de personaxes  que rodean a Noa que consegue que nos preocupemos con Noa pero tamén nos divertimos e resolvimos situacións.

O día 29 de setembro, ás 18.30 h, as crianzas asistiron a unha actividade chea de cancións na que tiveron unha participación moi activa e o resultado foi estupendo.

Pero o conto non era así!!
Con esta frase que dixo Liam, un dos nenos que asistiu onte aos contos do revés, podemos definir a orixinal maneira que ten “Proyecto Bululú” de presentarnos os contos de toda a vida.
Tarde divertida para grandes e pequenos.

Expectación

Mómento de máxima intriga

O Príncipe e a Princesa sempre remantan xuntos

Pakola e Laura Romero cantaron, contaron e debuxaron as aloucadas historias de Ramona Órbita coa súa máquina do tempo.