Nun obradoiro interactivo e dinámico, trufado de experimentos prácticos, no que os nenos/as participaron de cheo, a rapazada de 4º,5º e 6º cursos de primaria do Concello de Moeche, achegados á biblioteca, coñeceron, asombrados, misterios e propiedades insospeitadas do líquido elemento, fundamento da vida.

O contacontos Caxoto deulle un repaso, en ton humorístico, e traendo a conto as lendas artúricas, a eses estereotipos machistas que aínda invaden a nosa vida cotiá e nos que, por estar tan instalados, apenas reparamos.

Os nenos e nenas de 1º a 4º cursos de educación primaria de Moeche  pasaron una divertida mañá facendo, “con fíos e papel”, marionetas ás que logo fixeron actuar en diversas historias.

Por medio dun entretido e divertido formato de concurso televisivo interactivo, o pasado sábado, adolescentes de Moeche tiveron ocasión de identificar comportamentos que conducen á violencia machista en elementos cos que se relacionan diariamente, como son: a música, a publicidade, as redes sociais…

“Güe Güe”

Jorge Rey, a bebé Güe Güe, a lúa, o ratiño, a avoa, o lobo, as ovellas, as ondas do mar e outros personaxes fixeron as delicias dos bebés de Moeche que os contemplaron fascinados, xunto ás súas nais.

O día 24 de Outubro, “Día da Biblioteca”, os alumnos de segundo e terceiro ciclo do C.E.I.P. de San Ramón de Moeche, xunto cos seus Mestres, acudiron á chamada da Biblioteca Pública Municipal e alí, asombrados, comprobaron por sí mesmos como a maxia que aparece en películas e espectáculos non é tal, senon puras propiedades da materia e a enerxía.

A ciencia como explicación a fenómenos misterios capturou a atención de rapaces e adultos que saíron encantados e un pouco máis sabios.

Divertida mañá de sábado a que gozaron os bebés de Moeche, xunto con país e outros familiares, coa obra “Paxariños”.

A artista conseguiu atrapar e manter a atención das crianzas e dos maiores ao longo de toda una hora que finalmente se fixo curta para todos.

O venres, día seis de xullo, o músico Manoele de Felisa fixo as delicias dos asistentes á Biblioteca Pública Municipal de Moeche, que foron, na súa mayoría, os componentes do Obradoiro de Memoria que celebraban o remate do curso, ademáis doutros espectadores que se achegaron por alí.

A poesía de autores galegos como Rosalía, Castelao, Neira Vilas e outros cobrou vida na voz e música do cantautor galego.

Unha tarde para recordar.

Diversión e suspense para os alumnos de segundo e terceiro ciclo do C.E.I.P. de Moeche mentres investigaban un asasinato, utilizando nas súas pesquisas a biotecnoloxía: impresións dixitais, ADN…

Na tarde do 22 de setembro, na Biblioteca Pública de Moeche, Olga Abad fixo as delicias dun numeroso grupo de persoas da terceira idade que, acompañadas de varios nenos, confeccionaron as figuras dunha historia galega moi antigua coas que logo fixeron a representación con sombras chinesas.

Diversión, manualidades e posta en valor do patrimonio cultural galego para un grupo variopinto cunha actividade orixinal.