O xoves 16 de maio, tivemos na nosa biblioteca Miguel González Garcés un contaconto sobre Luísa Villalta. Carmen e Olga, recitaron poemas das mulleres homenaxeadas outros anos nas Letras Galegas: Rosalía de Castro, Francisca Herrera Garrido, María Mariño, María Victoria Moreno e Xela Arias , con monicreques de sombras. E despois, as de Luísa Villalta cunha roda e un mural de tea despregable. Remataron lanzando avións de papeis con frases de poemas da homenaxeada neste ano.

O venres día 19, dentro da nosa programación para celebrar o día do libro, tivemos un escape room na nosa biblioteca Miguel González Garcés. Os 24 participantes estaban agrupados en 4 equipos e tiveron que ir descubrindo as distintas pistas que había agochadas nos libros da sala infantil para chegar a construir un libro con corazón entre todos.

O día 2 de abril, día Internacional da literatura infantil e xuvenil, tivemos na nosa biblioteca Miguel González Garcés de Culleredo o contaconto O caracol namorado. Un contaconto cheo de música, poesía e contos onde os pequenos e maiores cantaron, riron e pasarono ben.

Onte, día 5 de outubro, os rapaces de Culleredo puideron adentrarse na selva. Aprenderon cómo camuflarse para nos ser atacados polos animais: saltando, agochándose, ruxindo, non ser collidos na trampa de animais, mordendo como un rato… Foi unha sesión moi interactiva e entretida para maiores e pequenos.                                          

O venres 26 de maio , Carmen Domech presentounos a obra de Picasso dende os seus primeiros debuxos  na súa infancia na Coruña, ata os cadros da sús etapa cubista. Foi unha actividade na que as personaxes dos cadros tomaban vida. Remataba a sesión creando os nenos participantes a propia galería de cadros para a nosa biblioteca.

Os cativos de Culleredo conmemoraron o Ano Picasso cunha divertida e maravillosa actividade. Foi na Biblioteca Municipal, sita no lugar de O Burgo, o día 11 de maio.  Despois de percorrer a infancia na Coruña do artista, e tamén coñecer as diferentes  etapas da súa pintura, fixeron figuras de cartolina de estilo cubista, e foi xenial! 

Onte tivemos ao rato ilustrador para contarnos e debuxarnos tres contos: Garavanciño, A oca loca e Tomás e o lápis máxico. Os nenos gozaron descubrindo o que o rato ía debuxando. Terminamos cantando un poema de Manuel María.

O día 28 de xullo tivemos na nosa biblioteca de O Burgo a Manuel Vicente con “Laboratorio de cambio climático”. Os rapaces aprenderon a  importancia de coidar e cómo utilizar o que temos no noso planeta para non deterioralo máis. Con preguntas moi interesantes, proxección de noticias ao respecto e algún caso práctico… saíron concienciados que coidar o planeta depende de todos.

O día 21 de xullo tivo lugar na nosa biblioteca Miguel González Garcés, duas sesións de “Robótica educativa”, levada a cabo por dos magníficos monitores de A Nube Animación. Os nenos crearon tres tipos de robots e manexaron a través de tablets. Saíron encantados.

Obradoiro “Agasállate” de Iria Mejuto, realizado na Biblioteca Municipal de Culleredo, en O Burgo, o mércores 14 de xullo. Rapaces encantados coas ideas prácticas e creativas para obsequiar algo feito por eles mesmos.