Obradoiro impartido por Silvia Rábade, de “Escuchando elefantes”, no que creamos unha morea de receitas inspiradas en libros, música… e ao mesmo tempo moi nutritivas e saudables.
O Mago Paco e a súa Maxia divertida “Contamaxias” visitaron o pasado venres a nosa biblioteca. Os usuarios e usuarias de ASPROMOR participaron nun espectáculo cheo de maxia e diversión.
Onte Avelino González achegou o mundo dos paxaros aos residentes do Centro de Atención a Persoas Maiores de Ortigueira.
O Mago Paco visitou a biblioteca para traer a súa maxia diferente ao colectivo de ASPROMOR resultando unha mañá moi divertida.
Contacontos de palabras e cancións acompañado de obxectos para manipular: grans de millo, plumas, instrumentos musicais…; destinado á rapazada de 1 a 4 anos e á súas familias.
O pasado mércores Eduvia visitou o Centro de Atención a Persoas Maiores de Ortigueira co seu espectáculo BiblioCanta. Os nosos maiores cantaron, bailaron e divertíronse nunha sesión en torno ao cancioneiro tradicional galego.
Onte aprendimos a coidar o planeta coa ciclobiblioteca de Anxo Moure.
O pasado venres día 9 o mago David Méndez presentou o seu espectáculo “A óptica das ilusións” aos usuarios e usuarias da asociación ASPROMOR.
Pasamos unha mañá chea de maxia e diversión.
Nesta ocasión achegamos a narración oral ao Centro de Atención a Persoas Maiores de Ortigueira. A contadora Alba Grande relatou varias historias recuperadas da tradición oral e logo convidou aos asistentes a presentarse e contar relatos ou contos que souberan. Para rematar votaron unhas cantarolas e así pasou a mañá.
O pasado xoves recibimos a R.J. Peralta e Blanca Millán que nos contaron e cantaron todas as historias dos seus libros: “Acouga Babau”, “As filloas de Manola”…
Resultou unha tarde ben divertida!
Séguenos