O día 28/08/2023 na Biblioteca municipal Segundo Gil Davila de Arbo tivo lugar esta actividade  centrada na igualdade e en historias relacionadas con esta temática. Todo o tempo foi moi dinámica e participativa, tanto cando contaba historias, como tocando a guitarra e cantando poemas de Rosalía, como cos monicroques. Fala de diferentes aspectos da igualdade: o respecto, tratar aos demais como queres que te traten, ou que ser diferente é “fantástico”.  Incluso houbo momentos para bailar seguindo uns pasos. En resume, unha actividade divertida e na que se foi adaptando a todas as idades para que todos puideran participar.

A actuación comezou ás 11.30 h e rematou ás  12.30 h; acudiron un total de 31 nenos e nenas de seis a trece anos de idade, e 6 adultos.

O día 11/08/2023 de 11:30 a 12:30 h na Biblioteca municipal Segundo Gil Dávila de Arbo tivo lugar a actividade de contacontos “A gran aventura dos animais” na que 45 nenos e nenas de 3 a doce anos de idade e 7 adultos asistiron a un espectáculo moi dinámico de contacontos levado a cabo por Yolanda, de Trémola Teatro, no que, caracterizada como unha gata, contoulles diversas historias relacionadas co mundo animal dun xeito moi dinámico e interactivo, xa que os nenos participaron no decorrer das historias, creandoas conxuntamene xunto coa contadora de contos, quen ten unha enerxía e creatividade que fixo que os rapaces, a pesares da curta idade de algúns estivesen moi atentos e participativos. O uso de música, baile, elementos decorativos e obxetos que acompañaron as historias fixo deste espectáculo moi rico en matices.

O día 26/07/2023 de 11:30 a 12:30 h. na Biblioteca municipal Segundo Gil Dávila de Arbo tivo lugar a actividade de escapismo “Scape Room” na que 23 nenos e nenas de nove a trece anos de idade,  participaron nunha dinámica de adiviñanzas na que tiveron que ir resolvendo acertixos mediante a apertura de mochilas con pistas agochadas por todo o espazo da biblioteca e mediante notas escondidas e coladas nos estantes e libros. A dinámica tiña como obxetivo principal concienciar aos cativos sobre as consecuencias do uso dos adxectivos despectivos cara a outros compañeiros. Non houbo gañadores, xa que no final do xogo a animadora deulles unha interesante explicación sobre o que fixeron e sobre a importancia de reflexionar e pensar ben antes de usar certos adxectivos que poidan ferir a sensibilidade de compañeiros.

O día 12/07/2023 de 11:30 a 12:30 h na Biblioteca Municipal Segundo Gil Davila de Arbo tivo lugar esta actividade de contacontos infantís centrada nos contos que tradicionalmente contaron os avós aos seus netos, pero neste caso introducindo un aspecto teatralizado moi entretido para os cativos, que estiveron moi atentos e interactuaron moito co artista, cantando e tararexando ao seu carón sen perder o fío dos contos, que os tiveron moi entretidos durante a hora de actuación. O artista, a pesares de ser de orixe asturiano, fala un galego moi rico e cheo de matices, cun vocabulario moi ben recuperado que nos traslada a eses contos de avós de un xeito moi lindo. Ademais, consegue que os cativos participen a través de preguntas e respostas que achegan aos meniños ó mundo dos contos tradicionais. A actuación comezou ás 11.30 h e rematou ás  12.30 h; acudiron un total de 37 nenos e nenas de seis a trece anos de idade.

CIENCIA EN MOVEMENTO : S.O.S. Á TERRA

Xesús e Amparo tratan de concienciar os máis cativoas/as dos problemas que envolven actualmente ó noso planeta (incendios, falta de auga, calentamento global, pouco coidado cos desperdicios, etc ). Mediante xogos, preguntas e experimentos involucran os nenos e nenas de primaria e secundaria na recuperación e protección do medioambiente. Amosan todo tipo de contaminacións e desfeitas do ser humano ó mesmo tempo que plantexan varias solucións coma  reciclaxe, enerxías renovables, etc

Moi interesante, non só pos nenos. Non-no perdan!

O día 03/08/2022 na Biblioteca municipal Segundo Gil Davila de Arbo tivo lugar esta actividade:  comeza  explicando que todas as persoas poden contar unha historia, que non ten porque ser real.  Así vai falando con diferentes participantes, a cada un/ha deles consegue que lles relate unha historia inventada, a través das  preguntas que lles vai facendo. Historias que se volven divertidas, e que todos son capaces de narrar.

En todo momento tratase dunha actividade interactiva na que o artista pregunta e fala cos nenos e nenas sobre as historias que van xurdindo. O importante é a palabra e narración de feitos e que todas as persoas somos capaces de facelo.

A actuación comezou ás 11.00 h e rematou ás  12.00 h; acudiron un total de 36 persoas: 29 nenos e  7 nenas dende  os 7 anos ata os 13 anos de idade.

Divertida historia chea de humor na que un neno chamado Max crea na sua habitación un mundo imaxinario onde é libre ata para ser monstro ( o máis monstro de todos).

Na súa aventura desafía os seus propios medos, frustacións, rabia e incomprensión, e ata o rexeitamento.

O final, bota de menos a súa nai polo que volve a casa e comprende que sempre hai que respetar os demáis.

Moi recomendable

O día 06/07/2022 na Biblioteca municipal Segundo Gil Davila de Arbo tivo lugar esta actividade:  comeza  presentando aos personaxes  Manuel e Manuela e contando como son e o que lles gusta facer, remarcando os estereotipos de xénero. A continuación, e como se foran segredos dos protagonistas vai descubrindo os verdadeiros Manuel e Manuela, ao que lles gusta xogar, como son, a que teñen medo  ou non, etc. rompendo con ditos estereotipos.

En todo momento tratase dunha actividade interactiva na que o artista pregunta e fala cos nenos e nenas sobre os personaxes e se están de acordo ou non coas súas formulacións.

A actuación comezou ás 11.30 h e rematou ás  12.30 h; acudiron un total de 43 persoas: 23 nenos e  20 nenas dende  os 6 anos ata os 13 anos de idade.

Anxo Avelino Moure Mosquera coa súa representación de “Unha árbore ven a vernos”, ademais de dar a coñecer ós pequenos os nomes das árbores autóctonas, amósalles, valéndose da imaxinación, o corazón desas árbores que nos están dicindo que son seres vivos e que necesitan tanto de nos coma nos deles. Unha maneira diferente de ver  e comprender a natureza (árbores, ríos, animais, etc ); unha mirada distinta e fermosa a ecoloxía. GRAZAS ANXO!!!

Actuación familiar que, co fío conductor da música de Mary Poppins, fai un percorrido polo mundo da maxia emocionante e sorprendente, no que fomenta a lectura e o coñecemento das bibliotecas en pequenos e maiores  ¡¡¡ PA VELO !!!