Duende Sico visitou As Pontes co seu espectáculo Elba e Marcos e os xoguetes encantados. Os rapaces e rapazas das Pontes participaron con moito entusiasmo nesta función de títeres que incide na igualdade de oportunidades entre os homes e as mulleres
Comezamos a programación de Ler conta moito 2022, coa visita de Xoán Curiel. Celebramos o día das Letras Galegas por todo o alto cantando e bailando con Xoán !! A cativada desfrutou moito en compañía dos seus Mestres e persoal da biblioteca. Grazas Xoán pola túa visita e implicación!
O pasado 16 de Maio, celebramos con “Contos e Acordeóns” o Día das nosas Letras, na Biblioteca Municipal de Corcubión. Contamos, cantamos e bailamos con moitos rapaces e familias que se achegaron ata aquí.
Unha mañá moi entretida!!
Contos: “Paco”, “Nicomedes o pelado”, “Onde viven os monstros”, etc…. Todos eles, están no noso Catálogo da RBG.
Comezamos a programación de Ler conta moito 2022, con moitas ganas e coa visita de Luis Vallecillo e o seu concerto “Cantares das letras”.
Fixemos toda unha festa para celebrar o día das Letras Galegas, cantamos. aprendemos, xogamos e bailamos pero sobretodo pasamos un rato divertidísimo coas cancións e o humor de Luis, todo un profesinal e gran músico ademais dunha gran persoa !
Grazas Luis pola túa vistita!
O venres 13 de maio na biblioteca Municipal de Lourenzá houbo unha sesión de contacontos a cargo de Ludus Tempori S. Coop.Galega , onde os rapaces e rapazas poideron desfrutar das historias de monstros, animais, a lúa ; todo isto ambientado coa música do acordeón e sen faltar os xogos tan divertidos que acompañaron a actividade.
Migallas Teatro trouxo a Padrón o clásico Os tres porquiños con monicreques, teatro e cancións para os máis pequenos, que gozaron moito, moitísimo!!!!
Tarabelos achegou á biblioteca Municipal do Grove o seu espectáculo “Contos nunha roda: Manuela e Manuel” cunha técnica de contar historias, que forma parte da cultura xaponesa, e que conecta dúas artes: a narración oral e a ilustración. Tradicionalmente o Kamishibai, vai montado na bicicleta dun Gaito Kamishibaiya e percorre as vilas e aldeas facendo pequenos espectáculos nas prazas; este Kamishibai “tarabelizado” desprázase polo voso cole nunha soa roda cargado de contos e lendas coa misma intención.
Así contou ao público asistente a divertida historia segreda de Manuela e Manuel, unha historia para romper estereotipos.
Este venres, na Biblioteca Pública de A Fonsagrada tivemos o pracer de celebrar con Fran Amil, o Día do Libro. Os máis pequenos puideron desfrutar desta actividade que mezclou de maneira moi orixinal a música cos contos. A actuación de “Contos de Chuches a mil”, do programa Ler Conta Moito, encantoulles ao nenos e tamén ás familias.
No Día das Artes Galegas adicado a Laxeiro desfrutamos na Biblioteca Municipal de A Fonsagrada dun obradoiro de creación plástica no que se coñeceu ao artista e nos achegamos á súa obra e ás cidades onde desenvolveu a súa vida. Neste taller fomentouse a creatividade coa elaboración dunha peza coas técnicas pop up e pregado de papel. Esta actividade animou á lectura e descubriu a importancia das artes como medio de expresión artística. Primeiro fíxose unha parte teórica introducindo os conceptos literarios e artísticos necesarios para o desenvolvemento da parte práctica e finalmente os nenos comezaron a crear os seus propios libriños coa técnica de pop up e pregado de papel.
O luns 25 de outubro celebramos o Día Das Bibliotecas cun Escape Room moi especial: Atrapados con Harry Potter de Ceo Aberto.
Séguenos