O xoves 23 de setembro o mago Deimi visitou a biblioteca de Monforte de Lemos. Durante unha hora fixo disfrutar a nenos e maiores dun espectáculo de maxia na que os libros e a lectura foron os fios conductores. Libros en branco que por arte de maxia enchen as súas páxinas de cores, xornais dos que saen moedas, debuxos de peixes que se transforman en peixes de verdade e mesas voadoras, son algúns dos trucos que coa colaboración de pequenos axudantes executou para disfrute de todos.

Esperamos que o xoves 30 os pequenos volvan a disfrutar cunha nova actividade que a biblioteca municipal ten programada.

Este xoves contamos na biblioteca coa compañía Duende Sico e a súa representación de títeres Elba e Marcos e os xoguetes encantados. Elba e Marcos son irmáns e ás veces teñen as súas diferenzas… Agóchanse os xoguetes, fanse trasnadas, dialogan sobre as profesións, xogan ás palabras rimadas, etc. Pero o pasan xenial, como as nenas e nenos de Oleiros nesta xornada de contos.

O día 21 de setembro a Biblioteca de Lourenzá tivo o pracer de contar coa presenza do cantautor Manoel de Felisa , nun espectáculo onde a música se mestura co mundo das lendas para achegarnos aspectos moi interesante do Camiño de Santiago.

Este luns 20 de setembro na Biblioteca Pública de Dorneda a compañía Sarabela Teatro presentounos ao ourizo cacho Naturizo e aos seus amigos do bosque. Xuntos aprendimos moitas cousas sobre a vida no bosque, o coidado do medio ambiente e a importancia de respectar a natureza, ademáis de pasar unha entretida e lúdica tarde de contacontos.

O venres 17 de setembro, as compoñentes de Trécola Teatro visitaron a biblioteca de Nós e, aderezadas con música e baile, nos contaron moitas historias sobre a igualdade.

Foi unha sesión divertida e moi interesante.

Grandes e pequenos gozaron, o pasado venres en Touro, da música e dos contos de Chuches Amil.

Onte comezamos as actividades de animación á lectura deste mes de setembro do programa LER CONTA MOITO co desexo de cumprir o noso obxectivo de seguir promocionando a educación e a cultura, pero sobre todo animar á lectura a nenos/as, mozos/as e adultos de todas as idades; ademáis de ofrecer espazos de encontro para descubrir, compartir e achegar á cidadanía á lectura e á información dun xeito divertido e ameno.

A primeira das actividades tivo lugar onte XOVES 16 de setembro ás 12:30 horas, no Auditorio do Concello, no que contaremos con Diego González Hermida “O CALBOROTA” que nos trouxo o seu espectáculo “UN RATO MÁXICO” no que “Don pergamiño, un vello e simpático rato de biblioteca extraordinaria que le tódolos libros que aparecen nas súas mans e os interpreta de tal xeito que os nenos e as nenas viven o seu contido e as súas aventuras como se foran propias”.

O show de maxia educativa moi interactivo onde se mesturou o ilusionismo co contacontos e os monicreques, fomentando a imaxinación e a participación co obxectivo principal de animar á lectura.

Os convidados a esta actividade, os alumnos de INFANTIL do CPI “Curros Enríquez” de Pazos, pasaron “UN RATO MÁXICO” estupendo e moi divertido.

O xoves 16 contamos coa compañía Tricotrí Teatro e a súa representación de Monstros de dez minutos. Actividade chea de contos e música cun ritmo moi animado, utilizando libros como Carapuchiña vermella, Monstro de minuto e medio, O monstro de cores e Hansel e Gretel.

Menuda tarde a de onte chea de ilusión e alegría! Despedímonos ata outra do Pequeno Cabaret Infantil de @nelson_quinteiro, foi un pracer contar con esta actuación escenificada coma un circo antigo. Grazas a Pedrito e a Jacinta que fixeron rir moito aos asistentes presenciais e aos espectadores que o visualizaron dende a casa.