“Isto non é unha caixa” Sarabela teatro no centro sociocomunitario do Barqueiro, Mañón
O 12 de agosto a choiva recolleunos mais a caixa non deixou de transformarse…e nós de soñar.
Saltar a ligazóns de pé de páxina
Archive for category: Actividades de dinamización con música, teatro e danza
” Xogando coa música” con Esperanza Mara na B.P.M. Neira Vilas de Vila de Cruces
O pasado venres, 25 de setembro estivo en Vila de Cruces Esperanza Mara co contaconto “Xogando coa Música”
Contou a historia dunha soprano que non conseguía volver a cantar xa que nunha actuación un rapaz se rira dela e grazas a o polvo Neón e o peixe don Feixe que lle deron a solución, pasar un día coa serea Medea e a través de diversas actividades e cancións foi ensinando as distintas familias dos instrumentos musicais e foi recuperando a ilusión para rematar cantando coma unha gran soprano.
cantando os cantares…na BPM do Saviñao
Día 25 de setembro de 2020 ás 11:00, biblioteca de Escairón
Temos a segunda actividade do programa Ler conta moito, trasladada á biblioteca escolar debido á situación que vivimos co coronavirus…
Cantando os cantares
da man de Truque Matruque
o 25 de setembro, ás 11:00 na biblioteca escolar
co alumnado de 5º e 6º de Primaria do CEIP de Escairón.
Achegámonos á figura da nosa gran poeta Rosalía de Castro a través da súa obra musicada en diferentes estilos musicais por Marcos:
Marcos xa nos visitara o ano pasado para achegarnos á figura de Rosalía, e como gustou tanto, volveu este ano con outra actividade:
Poden atoparse no catálogo da Rede de Bibliotecas de Galicia en moitas bibliotecas os libros de Rosalía [consulta aquí os libros de Rosalía de Castro que hai na nosa biblioteca]
“Xan Perillán vai á biblioteca” na Biblioteca Rialeda de Perillo (Oleiros)
Este xoves 24 contamos coa compañía Os monicreques de Kukas na nosa biblioteca. Xan Perillán vai á biblioteca e unha obra apoiada no uso de música e libros cunha gran realización visual, emprego de figuras de animais xunto con elementos da natureza como o sol, e outros vencellados á casa labrega (lareira, gramalleira…).
Os nenos e nenas asistentes estiveron moi atentos e saíron encantados coa actuación.
“DETECTIVE GEMOLA. O MISTERIOSO CASO DE…” con Genma Pardo en Bibliopazos
Onte tivemos no Auditorio do Concello a segunda actividade do programa LER CONTA MOITO deste ano 2020.
Nesta ocasión estivo con nós a Genma Pardo que nos trouxo o espectáculo “DETECTIVE GEMOLA. O MISTERIOSO CASO DE…” co que durante unha horiña que durou o show nos tivo entretidos e animados axudándonos a resolver as pistas coas que fomos quen de resolver este caso.
Os asistentes, os rapaces e rapazas de 3º de Primaria do CPI “Curros Enríquez” de Pazos- foron resolvendo as pistas coa axuda da Detective Gemola e ao final descubriron quen fora o asasino. Pero non o imos dicir por si queredes ir a ver o espectáculo outra vez noutra biblioteca.
Se algúns soñaron con ser uns auténticos detectives e resolver misterios inexplicables; e lles chaman a atención as series de investigación tiveron a súa oportunidade onte mediante o traballo realizado para resolver este misterio e sentirse os mellores detectives do mundo.
Grazas a todos por participar e a Genma Pardo por facelo deste xeito divertido, ameno e participativo.
Bibliotemaxia de Leo Leíño visita As Pontes
O xoves 24 de setembro, Leo Leíño visitou a Biblioteca das Pontes de García Rodríguez co seu espectáculo Bibliotemaxia. Todos os nenos e nenas desfrutaron moito, especialmente cando apareceu o coello “Gachas”. Aínda que con máscara e aforo limitado seguimos a desfrutar das actividades da biblioteca porque a cultura segue.
Dectetive Gemola. O misterioso caso…
O venres 18 de setembro tivemos en Vila de Cruces a Gemola co Misterioso caso das tres flores…
Sesión de investigación con varias pistas que se foron resolvendo coa axuda da dectetive, combinado con música e divertidos bailes.
“C@nta contos – Filipa cos contos” con Bandullo Azul na B. P. M. “Manuel María” de Oleiros
O martes, 15 de setembro, viñeron visitarnos á biblioteca de Oleiros Fran Campos e a súa inseparable compañeira Filipa. Con eles disfrutamos escoitando historias de risa e de medo e cantando ao son da guitarra. Pasámolo fenomenal !!!
“Maxia de aquí e de acolá” de David Méndez na Biblioteca Neira Vilas de Vila de Cruces
O pasado venres nenos e nenas puideron desfrutar de distintos trucos de maxía: convertiu papel en billetes, aros macizos que se unían e separaban, fixo levitar unha mesa etc. Todos eles fixeron a delicia dos máis cativos, os cales permaneceron atentos en todo momento.
Séguenos