O día 14 de xullo Daniel Ares o mago da Boina achegouse ata a biblioteca Municipal de Irixoa con Nami e deron vida a diversos fragmentos dos libros de Crónicas do Mago Errante. Fusionaron a maxia coas beneficios da lectura, unha viaxe fascinante que encantou a tod@s @s participantes.

O 4 de xullo as 20 30h, o contador de contos Caxoto, estivo en Vilar de Barrio e divertiunos cun espectáculo de contos, cantigas e bailes cunha selección dalgúns dos seus maiores éxitos para dar lugar a un espectáculo participativo e festivo do que disfrutaron tanto os maiores coma os mais pequenos

O pasado día 25 pasamos unha tarde estupenda acompañados dos CantaContos de Tania Justo. A cativada estivo moi atenta e participativa, mergullándose nas diferentes historias e melodías, a través dos contos da editorial Kalandraka. As nais e pais tamén o pasaron en grande.

Onte tivemos a sorte de desfrutar na biblioteca da función “Quiquiriquí!” de Raquel Crespo da man de Maite. A través dunha historia divertida sobre o galo Moncho e a súa dona Rosiña descubrimos o valor de ser “únicos” e, sobre todo, de ser sempre un mesmo. Unha obra que encheu a biblioteca de risos, tanto dos pequenos e pequenas coma das persoas adultas que gozamos dela!

O martes 24 de xuño visitounos Montse Rivera para axudarnos a coñecer e poñer an valor a figura das cantareiras dentro da realidade galega. Xunto á explicación, houbo tempo para probar a tocar e cantar coma elas o facían nas foliadas

Os nenos e nenas que acudiron ao salón de actos da biblioteca pública de Foz achegáronse un pouquitiño máis á nosa tradición galega, da man da compañía andamiaxe e a súa actividade interactiva “Carmen, a cantareira de aldea” que combina a narración oral e a música. A través da historia de Carme e a súa pandeireta máxica, o público desfrutou dunha experiencia chea de valores e diversión, cantando e xogando cos ritmos de Carme.

Onte puidemos desfrutar da man de Títeres Babaluva dun espectáculo de monicreques. Con eles navegamos a través de dúas historias vinculadas ao mar, tratando a importancia do seu coidado á vez que se promovían valores como a amizade ou o respecto. Puidemos, así, achegarnos dunha forma lúdica ao coñecemento de diferentes especies do noso mar á vez que descubrimos cancións do cancioneiro galego tan ligado ao mesmo. Unha tarde moi divertida que nos permitiu incluso probar como manipular os diferentes protagonistas e aproximarnos o seu proceso de creación!

O pasado venres Pakolas visitou a biblioteca municipal de Caldas de Reis co seu espectáculo Ecoralia, a lambona ecolóxica. Unha tarde onde os rapaces, entre cancións e contos, pasárono en grande e aprenderon a ser un pouco máis respetuosos co medio ambiente. Unha tarde de festa na biblioteca!

Música e mímica en cantos sinxelos con ritmo. Agradable e coidada sesión de contos.

O venres día 6 de xuño a Biblioteca de Barro acolleu a primeira actividade do programa “Ler conta moito” deste ano, cunha xornada moi especial!
Un total de 112 rapaces e rapazas do CEIP Amor Ruibal participaron na actividade “Castelao para crianzas”, onde puideron achegarse dun xeito lúdico e creativo á figura de Alfonso Daniel Rodríguez Castelao.
A través da música, da narración e do debuxo, coñeceron un pouquiño máis da vida e obra dun dos grandes referentes da cultura galega.

Seguimos promovendo a lectura e a cultura galega entre os máis pequenos!
AS SEGUNTES DATAS:
🧙‍♀️ A corpo contado. Contacontos con Charo Pita.
Data: 09/08/2025.
Hora: 12:00
🤹‍♂️Circo na Biblioteca.
Data: 22/09/2025.
Hora: 12:00
-Entrada gratuíta.
-Prazas limitadas
-Inscrición na OMIX/Biblioteca, no email omix@barro.es, podes solicitar o formulario para a inscripción.
Actividade financiada a través do programa #lercontamoito para a Rede de Bibliotecas Públicas de Galicia (Xunta) e o Concello de Barro.