Os nen@s dos centros de ensino de Portosín e Nebra desfrutaron das etapas da historia con Teatro dos Ghazafelhos.

A ratiña de biblioteca Lilí Gruyere veu visitarnos a bliblioteca de Riotorto para compartir con nos as historias que sua avoa lle ensinara: recordos, cancións, xogos…houbo de todo, moita emotividade pero tamén moita diversión.

Lilí Gruyere contounos historias, leunos dous libros, fixemos xogos coa participación de nenos/as e pais, teatralizou unha fermosa historia de dous velliños con monicreques e ata bailamos.

Pasamos unha grata tarde na compaña desta ratiña.

O venres, 28 de setembro, tivemos o pracer de recibir a Migallas teatro na biblioteca de Mera (Oleiros).

Migallas engaiolou ao seu público co  espectáculo Canta connosco! desde o primeiro momento. Pasamos unha tarde verdadeiramente divertida en familia na que os cativos e maiores cantamos, bailamos e sobre todo non paramos de rir.

Cris de Caldas e Xabi do Camiño compartiron na Biblioteca Os Templarios música, xogos de mans, retrousos, poemas, contos… Todo esto e moito máis para intentar que o seu bebé comera… Tardou, pero á fin comeu, claro que comeu!

Nenas, nenos e público adulto contribuiu a que o bebé comera.

Unha fermosa actividade para disfrutar en familia onde Cris coa música de Sabi vai combinando tradición oral e libros de reciente publicación.

Cris de Caldas demostra ser unha gran profesional, excelente transmisora da nosa  tradición oral

O xoves 27 de setembro tivemos connosco na biblioteca de Lorbé a Leo Leiño que veu acompañada de Mary Poppins e nos  contaron todas as tarefas dunha institutriz máxica.   Foi un espectáculo “supercalifragilisticoespialidoso”.

Hoxe comezamos as actividades do programa Ler conta moito 2018 coa visita de Limiar Teatro e o seu espectáculo

” Don Quixote”.

Estrearon o programa os nen@s de 4º, 5º e 6º de primaria do Colexio Padre Feijoo de Allariz.

Gozaron dunha comedia gastronómica que mestura narración oral e cociña en directo con moito humor.

Unha versión do Don Quixote  de Cervantes, áxil, didáctica, saborosa e moi divertida.

Quedounos moi bo sabor de boca!

Grazas

.

Da man de Pablo Díaz tivemos na Biblioteca Rialeda unha sesión de Cantacontos para os nenos e nenas máis pequenos. Empregando diversos instrumentos (guitarra, frautas…) desenvolveu un feixe de contos e historias que engaiolou a todos os asistentes. Un conxunto de música e textos moi ben traballado durante máis de media hora, ofrecendo divertimento e boas sensacións que fixeron desta sesión unha experiencia moi grata.

Teatro Calavera da Asociación Teatral Solaz Moraima estivo o día 26 de setembro na nosa Biblioteca. O cociñeiro Antón e a pasteleira Tomasa descobren nun libro a receita para facer o mellor chocolate, iso leva á pasteleira a viaxar ata unha afastada illa, vai remando nunha barca que lle presta Calavera, o pirata. Unha vez que consegue o cacao, fai un chocolate exquisito co que as crianzas envolverán froitas que degustarán nos seus fogares.
A duración foi de 70 minutos.

Aires de Rock soplaron no Valadouro, concretamente Contos, Cores e Rock and Roll un espectáculo co marchoso Pakolas facendo a voz e guitarra eléctrica. Veu acompañado da ilustradora Laura Romero virtuosa e áxil aos pinceis que era capaz de debuxar os personaxes que cantaba o seu compañeiro no tempo breve dunha canción. Pakolas cantou con ritmo vibrante e pegadizo as historias de moitos personaxes que habitan nas páxinas do seu libro. O furafollas pequeno animaliño que vive no bosque ao pé das árbores, A simpática e brava Quenlla que surca o mar, Baldomero o mero que busca un tesouro no fondo do mar e pesca no faro, o pato perseguido por un chef inglés que quería convertilo en pato á naranxa,, a canción Ri, salta como un mono na selva tropical…outras Campeón internacional que acompañou dun raro instrumento chamado theremin. Pakolas fixo de todo, non só cantou, tamén demostrou ser un inmellorable imitador de animais ou ser capaz de facer un solo de batería cos sons da  propia boca.

Os nenos, aplaudiron, fixeron coros, bailaron no patio de butacas e non querían marchar…un verdadeiro éxito de crítica é público no Salón de Actos da Casa da Cultura de Valadouro.

pakolas

Público de Valadouro

Moita rapazada e familias, na presentación este pasado Domingo 23 de Setembro do libro-disco de Pablo Díaz “TIC TAC TOC”.

O público amosouse moi participativo. Pablo e a súa banda aproveitaron tamén para presentarnos a súa nova publicación: “Coas miñas mans”.

A Biblioteca Pública de Corcubión está situada na Casa da Cultura.

#LerContaMoito