Día 3 de xuño de 2016 ás 18:30, na biblioteca de Escairón

Para celebrar o Día dos Océanos (8 de xuño), a poucos días de comezar o verán, o bo tempo, a calor e as vacacións, mergullámonos nun mundo de historias!

Presentamos unha nova actividade do catálogo de actividades Ler conta moito:

Mergullámonos?

historias de emocións

da man de Andrea “Dos Piñeiriños”

o 3 de xuño, ás 18:30 na sala infantil

Escoitamos e gozamos cun conxunto de historias que nos convidaron a explorar o mundo das emocións da man de Roberta, que que traslada a vivir nunha nova granxa e comeza a escola nunha nova vila onde non tén aínda amigos.

Identificando sons da natureza, da granxa, e cantandos e bailandos con Roberta para aprender os números, pasóusenos axiña o tempo.

Ó rematar, entregamos os premios do Certame de Narración e Debuxo Infantil Letras Galegas 2016, e nas sucesivas semanas planificamos varios obradoiros para celebrar o Día dos Océanos.

Juste Kamishibai, Papel e Teatro veu a contarnos historias divertidas e interesantes con personaxes exóticas: Un fotógrafo, un mono ladrón de cámaras e unha señorita misteriosa…todo esto na caixa chinesa de papel e os seu despregables.No Kamishibai, teatro de papel en xaponés, os nenos fixeron ambientación do conto, poñían voces e facían o efecto do vento e do mar para narrar a aventura da pequena balea Nesi que se convertiu en nena e foi axudada por un simpático neno nunha fabulosa aventura.Despois viñeron os emakis, vellos pergaminos que se proxecta cunha luz posterior e que nos contaron unha divertida historia de bichos de variadas cores

Moitas historias de Kamishibai que Juste relatou a través de fascinantes personaxes que quedaron moi vivos na imaxinación dos nenos e nenas do Valadouro. 

Imaxe grupal do Gran Xogo das Letras Galegas 2016 adicado a Manuel Maria na Biblioteca Publica de A Veiga

O pasado xoves 26 de maio, na Biblioteca Municipal Sagrada Familia de A Coruña tivemos o pracer de recibir a Paco Nogueiras co seu espectáculo “Brinca Vai! De aquí e acolá” baseado no libro-cd-dvd da Editora Kalandraka.

Acompañando a Paco estaba a súa querida “Máquina” xunto con outros moitos instrumentos. Tanto nenos e nenas como acompañantes disfrutaron da viaxe musical cantando e bailando as cancións, pasando por toda as festas do ano, como, o magosto, o samaín, o nadal… Rematando coa canción “Meu o mundo é!”.

O noso agradecemento a Paco Nogueiras pola súa profesionalidade e por facernolo pasar tan ben!

O domingo 29 de maio, Andrea deleitounos con historias moi divertidas que nos mergullaron no mundo das emocións.

Actividade interactiva onde os participantes cantaron, bailaron, exploraron e expresaron as súas emocións.

SARABELA TEATRO   –   “CONTO EXPRESS””

Ranpunzel e Grettel Chanetti chegaron en bicicleta a Casa de Cultura cargados dunhas pizzas moi especiais, eran  “Contos express”, e contaron coa colaboración dos nenos e nenas de Touro para axudar a Camilo Comilón a cociñar saborosas receitas.

Os nenos moi participativos en todo momento, desfrutaron da actividade.

TRÉCOLA TEATRO  – “Madame Bechamel e Signorina Bolognesa”

Madame Bechamel e signorina Bolognesa ensinaron aos nenos e nenas de Touro a preparar un prato moi especial…. “saborosos bicos”, mentres contaron un conto sobre o amor imposible entre un mago e unha bruxa…..

As dúas cociñeiras encandearon ao público asistente.

No día de onte, martes 24 de maio, coincidindo coa celebración das Letras Galegas, visitounos Raquel Galavís a Axencia de Lectura Municipal de Areas co Cantacontos. Unhas 25 persoas entre nenos e adultos disfrutamos desta actividade de dinamización con contos, música, danza… Soñamos, cantamos e bailamos acompañados polo guitarrista Juan, o seu compañeiro. Raquel púxonos en movemento coas mans, cos pés e o final con todo o noso corpo. Ao final os pais e eu, a bibliotecaria, rematamos sendo nós como se fósemos Raquel (proposta que nos fixo ela) cantando e bailando, facendo nós o espectáculo para os nenos e para Raquel. Pasámolo todos xenial. Foi unha actividade que resultou moi entretida, moi motivadora e participativa.

Grazas a todos por achegarse ata a axencia de lectura e por participar connosco.

O pasado sábado 21 de maio, Pavís Pavós visitou a Biblioteca Luís Rei para facer unha divertida sesión de contacontos para bebés. Nela houbo tempo para as adiviñas, as cancións tradicionais, xogos e moitos sorrisos… pais, nais e pequenos gozaron dunha estupenda mañá!

O pasado Venres día 20 de abril e para celebrar o DÍA DAS LETRAS GALEGAS na Biblioteca Pública Municipal do Concello de Pazos de Borbén “BIBLIOPAZOS” tivemos con nos na Sala de Lectura ao MAGO PAGO de A illa d@s nen@s que nos trouxo o espectáculo de narración oral e maxia “DIVERMAXIA” para nenos e nenas de 3 a 12 anos. Un interesantísimo espectáculo de dinamización á lectura a través da maxia mediantes historias, contos e xogos.

O mago Paco é unha personaxe moi peculiar que non para de argallar novas maxias para os nenos. Desta volta mestura a risa como elemento principal para sorprender aos mais cativos coas súas historias cheas de maxia.

Estiveron con nos os rapaces e rapazas de 3º e 4º de Primaria do CPI “Curros Enríquez” de Pazos e os usuarios de ASPAVI cos seus monitores e profesores.

Larraitz comenzou facendo referencia a Manuel María, o gran polígrafo ao que se lle dedica este ano o Día das Letras Galegas.

Contounos varios contos e recitou  poesías de “Os soños na gaiola” e, para o remate, cantou, acompañada polos asistentes, a canción do cuco.