Na tarde de onte recibimos na ALM de Buxantes (Dumbría) a visita de Caxoto que, co seu espectáculo Coas mans na masa (contos de igualdade) e reformulando os contos clásicos, conseguiu meterse o público no peto.

O artista consegue que rapazada e maiores entren a formar parte do espectáculo.
Contacontos adaptable a todas as idades. Moi dinámico. Moi divertido.
Excelente actividade para a animación á lectura coa educación en valores como vehículo perfecto.

Este martes a Biblioteca Xela Arias celebrou un contacontos para cativos de 1 a 3 anos.

“Unha tarde especial con Dori”, da man de Batucado & Emusin, achegoulles a ledicia das historias próximas e a emoción dos estímulos sensoriais xoguetóns e sorprendentes.

Cancións, pompas de xabón, un globo viaxeiro… todos son elementos para xogar, contar e extasiarse.

Con esta actividade a biblioteca quere convidar aos máis pequenos das casas a achegarse aos nosos servizos, e facelos lectores (ou pre-lectores) da colección de contos e historias que temos preparadas na nosa Pequeteca.

+ INFO NO NOSO BLOG: https://bibliotecas.redondela.gal/unha-tarde-especial-cos-cativos-na-biblioteca

Rematou o megaobradoiro de globoflexia e maxia a cargo de Elisa Alfaya, que encheu de cor, música e maxia o auditorio da Casa da Cultura. Tanto nenos como adultos disfrutaron facendo figuras. A actividade tivo unha alta participación e moitísima diversión para todos.

O día 03 de outubro presentamos a BIOSBARDOS na Biblioteca de O Froxel “Fco. A. Vidal”, a cargo de Jorge López, quen nos trouxo un conto moi especial escrito polo seu fillo Martín cando tiña 13 anos de idade, titulado “Como axudo a Antón”. No conto, exponse diferentes situacións ás que se ten que enfrontar Antón, e coa axuda da rapazada escóllese cal é a maneira de actuar máis adecuada segundo cada cal. Unha actividade formativa en valores con gran participación dos asistentes

Este martes 3 de outubro veunos visitar Fran Amil á nosa biblioteca, para contarnos e cantarnos contos sobre monstros que non dan medo, un conto ao revés e a canción dos robots.

Foi unha tarde moi divertida e chea de música, na que nenas e nenos cantaron e bailaron o son das cancións.

Elisabet Hillerud achegou ao  alumnado do Ies Poeta Díaz Castro o  obradoiro “Poema zen para a igualdade” no que se utilizou  o método Zentangle, decorando un poema sobre a igualdade entre homes e mulleres e creando unhaa concienciación  de non violencia. Zentangle crea belas imaxes e fomenta a paz interior e a concentración, desenvolvendo a creatividade e a sensibilidade artística.Sen ter coñecementos previos de debuxo.

Estefanía Padullés achegouse ata o Pino para ensinarnos como é o seu proceso de creación. Dende a primeira idea ata con quen hai que falar para plasmar todo en papel.

Cantas historias marabillosas saíron das cabezas dos participantes!!!

A “Compañía espectacular” visitou Tui para descubrirnos os segredos dos Nunkis, un seres máxicos e descoñecidos que cautivaron ó noso auditorio acompañados de música e toda a creatividade de Belén Montero e Edward Guigourès.

Na tarde de onte A Xanela do Maxín achegouse á ALM de Dumbría, no concello do mesmo nome, para contarnos as historias e aventuras da gata Lúa.

Precioso contacontos que transmite valores, que entretén, que divirte,…
Gustou a nenos e nenas de idades ben diversas.
Perfecta animación á lectura. A rapazada asistente marchou con moitas ganas de ler o libro.

Moi recomendable U-la Lúa? Lúa quere viaxar a Marte…!

Un taller de costura dunha familia vai cobrar vida a través das historias, cancións e coplas que nos ensina a avoa á súa neta e aos espectadores.
A maxia envolveunos porque os obxectos e utensilios do taller cobraron vida.
Esta sesión foi unha homenaxe a todas aquelas mulleres que foron unha avanzada en calquera sector.