O 7 de Abril, contamos na Biblioteca de Riotorto coa actuación de Caxoto co seu espectáculo de contacontos: “Miña casa, meu lar” (contos ambientais).

A historia é a de un barrendeiro que pasa polo escenario aproveitando que o espectáculo aínda non comezou para esixir de forma un pouco esperpéntica que se deixe de tirar cousas ao chan. A partir deste momento empeza contando contos, xogos e cantigas de carácter ambiental. Entre outros contidos tocando aspectos como a pegada ecolóxica, a reciclaxe, a auga como fonte de vida… Todo salpementado con datos, curiosidades e anécdotas que permiten sensibilizar na necesidade de coidar o noso entorno para que el nos coide a nós.

Unha actividade moi elaborada, e o artista con moito dominio e técnica para manter a atención durante todo o relato.

• “A Alquimista”, foi un espectáculo escollido para a celebración do Día do Libro, no que os nenos disfrutaron dos contos, teatro e música desenrolados maxistralmente dentro do contesto da ciencia.

O sábado día 30 realizouse na Biblioteca da Senra o obradoiro de robótica, onde os participantes ademais de recibir unhas nocións básicas sobre a robótica, elaboraron e levaron para a casa o seu propio robot.

Os Ratos de Lonxedetodo montaron na biblioteca a oficina da “Asociación de Animais Solidarios”.

A través de debuxos, contos e música prestaron axuda a animais do mundo que están con problemas debido ao cambio climático.

Espectáculo con música, narración oral e monicreques que fixeron as delicias de grandes e pequenos na biblioteca .

Un numeroso grpo de nenos e adultos participaron onte no concerto de Música Míuda no salón de actos da Casa da Cultura do Vicedo. Música e diversión para toda a familia entre música e contos.

Onte tivemos ao rato ilustrador para contarnos e debuxarnos tres contos: Garavanciño, A oca loca e Tomás e o lápis máxico. Os nenos gozaron descubrindo o que o rato ía debuxando. Terminamos cantando un poema de Manuel María.

O martes 26 de abril, na Biblioteca Pública Municipal de Nigrán, Raquel Queizás fixo a actividade cultural O eco das pedras : as lendas que nos fan pobo. Os enigmáticos e cativadores petróglifos foron os protagonistas.

O sábado 23 de abril , levouse  a cabo no Concello de Vilanova de Arousa, unha actividade para conmemorar o día do libro.  Foi organizada pola biblioteca Irmáns Camba, pero por motivos de espazo a actividade foi trasladada a outra dependencia do Concello preto da Biblioteca.

Os contos musicalizados de Fran Amil foron quen de divertir ós nenos e aos seu acompañantes, que ademáis eran partícipes en todo momento da actividade.

Contos  mezclados con máxia mostrando moita empatia co público e sempre coa animación a lectura de fondo

unha actividade moi recomendable non so polo entretido que pode ser a máxia, pois tamén conta co valor dos contos e da lectura.

A biblioteca Xela Arias de Chapela festexou o Día do Libro co contacontos “A biblioteca que viaxaba no tempo”, da man de Olga Abad. Un conto onde a biblioteca e a maxia dos libros traen a ledicia a todos os lugares.

Cativos e cativas de 1 a 4 anos gozaron da actividade acompañados das súas familias.

+ INFO NA NOSA WEBLOG: https://bibliotecas.redondela.gal/bibliotecas-maxicas-en-chapela-polo-dia-do-libro