Na BPM de Oroso comezamos o luns día 15 ca celebración da semana das letras galegas e contamos cas fantásticas historias, cancións e bailes de Mergullámonos? a cargo de Andrea Vázquez. Unha actividade moi divertida na que ademáis de escoitar historias de diferentes paises, bailar e cantar aprendimos un montón de cousas de paises lonxanos. 
O martes, 16 de maio, tivemos a Bandullo Azul e “Filipa cos contos”. Música, cancións e contos, celebrando as Letras Galegas, as letras máis fermosas e recordando a Carlos Casares.
Un percorrido magníficamente plasmado por Xosé Carlos Caneiro, na persoa de Carlos Casares e a súa obra, con pinceladas dos vínculos e vivencias que tiveron.
Conferencia realizada o pasado 16 de maio ás 19:30h. na Biblioteca do Concello de Verín
Podes ver a conferencia no noso canal de YouTube:
Soledad Felloza, con “Unha viaxe ao mundo de Carlos Casares”, estivo o venres na Axencia de Lectura Municipal de Domaio dentro do programa “Ler conta moito”. Unha magnífica proposta para fomentar a lectura entre os máis pequenos e achegalos ao universo do autor homenaxeado este ano no Día das Lestras Galegas.
Soledad conecta moi ben cos máis cativos e tamén cos maiores. É unha gran narradora dotada de moita expresividade que fai moi amenas as historias que conta.
O pasado martes 16 de maio, Eduvia Educación achegouse ata a ALM de Corvillón para xogar cos nenos e nenas ao Gran Xogo das Letras Galegas… pasaron unha divertida tarde e de paso coñeceron un pouco máis das obras e autores máis destacados da nosa literatura, facendo fincapé por suposto na figura do homenaxeado este ano, Carlos Casares.
O pasado martes co motivo dos actos organizados para a celebración das Letras Galegas, tivo lugar en Touro, o Gran Xogo das Letras Galegas, impartido por Eduvia. A través deste divertido xogo por equipos, os/as participantes coñeceron algo máis sobre a orixe e significado do Día das Letras Galegas, e os autores homenaxeados ata o momento,ao tempo que descubriron interesantes datos sobre a vida e obra do autor homenaxeado este ano, Carlos Casares.
A actividade gustou moito e os/as asistentes marcharon encantados!
O pasado luns 15 de maio Eduvia Educación iniciou un periplo polas axencias de lectura de Cambados para celebrar cos nenos e nenas “O gran xogo das letras Galegas”. O obxectivo era poñelos a proba nos seus coñecementos dos autores e obras máis detacados da nosa literatura… e non o fixeron nada mal! velaí van algunhas imaxes…
Pablo Díaz fixo as delicias dos máis pequenos no Día das Letras Galegas 2017. Tarde de música e contos nun día tan especial para Galicia.
Cantacontos para bebés con Pablo Díaz en Porto do Son
En plena semana das Letras Galegas, os nenos e nenas do Vicedo puideron disfrutar dunha sesión de contos infantís a cargo de Pavís Pavós esta tarde na Casa da Cultura do Vicedo. Houbo contos de medo, de animais, historias de sempre que atraparon a atencións dos máis pequenos. Aquí podedes ver unha pequena mostra fotográfica desta actividade
Séguenos