Para conmemorar o Día do Libro Infantil e Xuvenil, recibimos na Biblioteca Municipal do Grilo-Cacheiras (Teo) a Fuco, o ratonciño de Páxina oficial de Trinketrinke que non solo veu contarnos o conto de Riciños de Ouro, tamén falounos do seu fogar, das prantas que alí podes ver e cantar e xogar con nós. Unha auténtica delicia na que maiores e pequenos desfrutaron e participaron con este simpático roedor. E aínda deixounos de agasallo tres osiños feitos con globos… Non se pode pedir mais para celebrar este día.

O día 3 de abril, ás 12:30 horas, realizouse, na biblioteca municipal, unha sesión de contacontos a cargo de Manuel Solla Barragáns.

O espectáculo “Conto contigo” cautivou aos nenos e nenas asistentes que participaron activamente nos contos, trabalinguas e cancións que o animador propuxo ao longo da actividade.

O venres 18 de marzo tivemos con nós a Carmen Domech na Biblioteca Municipal de Ordes. O seu “Contacontos de libros contentos”, fíxonos disfrutar moito. O seu paraugas, precioso, está cheo de fermosas historias, e os libros cheos de aventuras….e de sorpresas!! Grazas a toda a xente que nos acompañou. FACENDO BIBLIOTECA!!!

Este ano a Biblioteca Pública Municipal de Ribadavia leva a cabo un proxecto relacionado co mundo do teatro, tan importante na vila, proba delo é a Mostra Internacional de Teatro de Ribadavia e o grupo Abrente que foi pioneiro no teatro galego. Por iso queríamos promover os fondos de teatro infantil para que os nenos empecen a encariñarse xa de cativos con ese mundo. Por elo, levamos a cabo unha exposición de libros de teatro infantil dispoñibles na Biblioteca e complementámolo con duas representacións de contacontos teatralizados o dia 2 de abril (O traxe novo do Rei) e o 23 de abril (Madame Bechamel e Signorina Bolognesa).

Estas son as fotos da mostra bibliográfica ou exposición:

O 2 de abril foi o Dia Internacional do Libro Infantil, e a Biblioteca Pública Municipal de Ribadavia celebrouno cun contacontos teatralizado da man do grupo Tarabelos chamado “O traxe novo do Rei”. A representación acudiron moitos nenos que asistiron entusiasmados e que ao terminar o contacontos poideron achegarse a coñecer os monicreques que Esteban lles amosou encantado. Estas son as fotos

O cómic, considerado xa como o noveno arte, ben se merece o desenvolvemento de actividades, como a que impartiu Xulio C. Dopico a un grupo de escolares do municipio cos que compartiu a historia da banda deseñada a través dos seus creadores e obras máis salientadas. Estivo arroupada por una exposición de cómics da biblioteca.

O 2 de abril é o “Día Mundial da Literatura Infantil e Xuvenil” e tamén é o “Día Mundial da Concienciación sobre o Autismo” polo que decoramos a biblioteca con globos azuis para participar na iniciativa “Light it up blue”. Ademais, ao rematar, todos os asistentes inflaron un globo azul e posaron con el para a foto.

“A falta de pan, bos son contos” Xarope Tulú

Atenea García achegou ata a biblioteca municipal do Grove un espectáculo de contacontos interactivo e participativo no que os xogos tiveron un papel fundamental para captar a atención da rapazada e facela implicarse na narración das diferentes historias que tiñan“O tempo da fame” como fío condutor.

Hainos delicadiños para comer. Hainos que comen os bens dun cura. Pero como ben din os que saben; o comer e o rañar todo o malo é empezar. Abride ben as bocas que aló vai a primeira bocada…

Fantástica mañá de sábado na compañía de Xarope Tulú

O pasado sábado, dous de abril, celebramos o Día do Libro Infantil e Xuvenil na Biblioteca Municipal de Chantada con Luís Vallecillo e a actividade Cantamos un conto? Os pequenos e non tan pequenos pasárono en grande con esta sesión de contos cantados.

A biblioteca de Monterroso celebrou o venres día 1 o día da literatura infantil- Xuvenil. Tivemos nas nosas instalacións a TARABELOS co conto de Hans C. Andersen “O traxe novo do rei”. Pasámolo moi ben e rímonos moito.

A contadora aproximou aos participantes a megullarse no mundo das emocións con unha chea de historias. Actividade intereactiva onde os participantes exploraron as súas emocións e disfrutaron participando nas historias que Andrea lles amosou.